Dünyanın səyahət və turizm sahəsində ixtisaslaşmış nüfuzlu və məşhur “Wanderlust Magazine” beynəlxalq jurnalı 2025-ci ildə səyahət üçün tövsiyə edilən ən yaxşı istiqamətlərin siyahısını açıqlayıb.

Siyahının ilk üçlüyündə Əbu-Dabi (Birləşmiş Ərəb Əmirlikləri), Alberta (Kanada) və Azərbaycan yer alıb.

Bu il səyahətçilərin diqqətini çəkəcək əsas məkanlar arasında Kolumbiya, Dubronvik (Xorvatiya), Malayziya, Sinqapur, Uluṟu-Kata Tjuṯa (Avstraliya) və Vilnüs (Litva) da var.

Bundan başqa, ABŞ-da Florida, Tennessi, Şimali Karolina və Missisipi, eləcə də Ər-Riyad (Səudiyyə Ərəbistanı), Qətər, Almaniya, Bermud, Namibiya və Uruqvay kimi məkanlar da 2025-ci ildə kəşf edilməli istiqamətlər arasında göstərilir.

Məşhur səyahət jurnalının siyahısında həmçinin Salzburq və Vyana (Avstriya), Sloveniyanın kiçik qəsəbələri, Özbəkistan və Ruanda kimi unikal turistik məkanlar da yer alıb.

Siyahıya daxil olan istiqamətlər öz tarixi, mədəniyyəti, təbiəti və müasir turizm imkanları ilə fərqlənir.
//reportскачать dle 11.3