Çində dağda itən turistin ekstremal şəraitdə sağ qalmasının SİRRİ

Çində dağda azan və 10 gün yol axtaran gənc turist diş məcunu ilə qar yeyərək sağ qalıb.

Bu barədə "South China Morning Post" (SCMP) məlumat yayıb.

Bildirilir ki, 18 yaşlı çinli Sun Lyan Şensi əyalətindəki Tsinlin dağ silsiləsi boyunca çətin marşrutu tək qət etməyə cəhd edib. İki gün sonra elektron cihazlarının batareyası bitdikdə onun ailəsi ilə əlaqəsi kəsilib. Turist çay boyu aşağı enməyə çalışsa da, bir neçə dəfə yıxılıb və sağ qolunu sındırıb.

Soyuq küləkdən qorunmaq üçün o, böyük bir qayanın arxasında quru saman və yarpaqlardan yataq düzəldib. Sun Lyan arxdan su içib, diş məcunu və qar yeyərək sağ qalmağı bacarıb. Xilasedicilər onu 10 gün sonra tapıblar.

Gəncin getdiyi 170 km-lik piyada marşrutu gözlənilməz hava şəraitinə görə Çində ən çətin beş yoldan biri hesab olunur. Qeyd olunur ki, son 20 ildə bu təhlükəli cığırda 50-dən çox turist itkin düşüb və ya həlak olub.

Məlumata görə, 30-dan çox insanın iştirak etdiyi xilasetmə əməliyyatı ekstremal idmançının ailəsinə 80 min yuana (təxminən 18.7 min manat) başa gəlib.скачать dle 11.3

Şahidi olduğunuz hadisələri çəkib bizə göndərin!