İcazəsiz uçuşlarla bağlı 20 min manatlıq cərimə gözlənilir » Median.Az - Bütün xəbərlər bir ünvanda
20:59 Dominikanda gecə klubunun damı uçub, 18 nəfər ölüb  |     20:51 Türkiyə ordusu terrorçulara aid mağara və silah-sursat aşkarlayıb  |     20:45 Ronaldinyo hazırda karyerasını davam etdirən ən güclü braziliyalı futbolçunun adını açıqlayıb  |     20:37 Hava meteohəssas insanlarda narahatlıq yaradacaq  |     20:32 Azərbaycanda daha 32 nəqliyyat vasitəsi özəlləşdirilib  |     20:24 Naxçıvanda aprel ayının pensiyaları ödənilib  |     20:19 Ali Məhkəmə: İşçi işdən çıxarılarkən xəbərdarlıq müddəti gözlənilməlidir  |     20:13 Suqovuşan-Sərsəng su anbarı-Qozlukörpü-Kəlbəcər avtomobil yolunun tikintisi davam edir - VİDEO  |     20:05 Daşgil vulkanları ərazisinə giriş müvəqqəti dayandırılıb  |     19:59 Bakıda orta əməkhaqqı 9 %-dən çox artıb  |     19:52 Almaniya BMT-nin xətti ilə qaçqınların qəbulunu dayandırıb  |     19:44 Azərbaycanın 3 klubu texniki məğlubiyyətlə cəzalandırılıb  |     19:43 Xanlar Vəliyev VƏZİFƏDƏN GETDİ  |     19:39 Ötən ay 19 aptekdə yoxlama aparılıb, 7-də nöqsan aşkarlanıb  |     19:31 Martın 2-də keçirilən buraxılış imtahanlarının cavabı həftəsonu açıqlanacaq  |     19:25 Azərbaycanda 2 yeni BOKT yaradılıb  |     19:17 Azərbaycanda ekoloji təmiz məhsul istehsal etməyə nə mane olur?  |     19:09 Gədəbəydə 3 otaqlı ev yanıb  |     19:04 Alimlər içməli suyu təmizləyən yeni mikrob kəşf ediblər  |     18:56 Bakıda 20 istiqamətdə nəqliyyatın sıxlığı müşahidə olunur  |    

İcazəsiz uçuşlarla bağlı 20 min manatlıq cərimə gözlənilir

Azərbaycanda hava nəqliyyatında yol verilən pozuntulara görə cərimələr müəyyənləşir.

Median.Az
"Report"a istinadla xəbər verir ki, bununla bağlı İnzibati Xətalar Məcəlləsinə dəyişiklik edilməsi təklif olunur.

Sənəd Milli Məclisin Hüquq siyasəti və dövlət quruculuğu komitəsinin bugünkü iclasında müzakirə edilib.

Layihəyə əsasən, müntəzəm və qeyri-müntəzəm (çarter) marşrutlara icazə olmadan uçuşların həyata keçirilməsinə görə fiziki şəxslər 3 min manat məbləğində, vəzifəli şəxslər 5 min manat məbləğində, hüquqi şəxslər 10 min manat məbləğində cərimə edilir.

Daha bir dəyişikliklə kommersiya uçuşlarının həyata keçirilməsi zamanı istismar tələblərinə uyğun olmayan sınaqların ve qəza şəraitinin imitasiyasının aparılmasına görə fiziki şəxslər 4 min manat məbləğində, vəzifəli şəxslər 8 min manat məbləğində, hüquqi şəxslər 20 min manat məbləğində cərimə edilir.

Təklif edilən daha bir dəyişikliyə görə isə, təlim və sınaq uçuşları istisna olmaqla, uçuş zamanı sistemlərin, mühərrikin avadanlığın ve sıradan çıxması hallarının imitasiya edilməsinə görə fiziki şəxslər 4 min manat məbləğində, vəzifəli şəxslər 8 min manat məbləğində, hüquqi şəxslər 20 min manat məbləğində cərimə edilir.

Hava gəmisinin istismarçıları, aerodrom istismarçıları, hava gəmisinin istismarçılarına xidmət göstərən texniki xidmət təşkilatları, o cümlədən hava hərəkəti xidmətlərini təmin edən təchizatçı tərəfindən uçuşların təhlükəsizliyinin idarə edilməsi sisteminin yaradılmamasına və ya fəaliyyətinin təmin edilməməsinə görə isə fiziki şəxslər 2 min manat məbləğində, vəzifəli şəxslər 6 min manat məbləğində, hüquqi şəxslər 8 min manatdan 10 min manatadək məbləğdə cərimə edilir.

Məcəlləyə təklif edilən növbəti dəyişikliklə uçuş əməliyyatının həyata keçirilməsinə dair məlumatlar üzrə qeydlərin, səs yazılarının, sənədlərin qorunub saxlanılmamasına və kənar müdaxilədən mühafizə edilməməsinə görə 600 manat məbləğində cərimə müəyyən edilir.

Sənəd heyət üzvləri ilə bağlı dəyişikləri də özündə ehtiva edir. Belə ki, heyət üzvünün uçuşdan əvvəl alkoqollu içki, narkotik vasitələr, psixotrop maddələr və onların prekursorlarını və ya uçuşların təhlükəsizliyinə təsir göstərə bilən dərman vasitələrini qəbul etdikdə, yaxud heyət üzvünün siyahısı müvafiq icra hakimiyyəti orqanının müəyyən etdiyi orqan (qurum) tərəfindən təsdiq edilən xəstəliyi olduqda hava gəmisinin bortunda vəzifəsini icra etməsinə görə 3 min manat məbləğində cərimə edilir.

"Aviasiya haqqında" yeni qanun 22 dekabr 2023-cü il tarixdə qəbul edildikdən sonra "Aviasiya haqqında" 24 iyun 2005-ci il tarixli qanun ləğv edilib. Yeni qanunda aviasiya hadisələri və insidentlərinin araşdırılmasının təşkili, aviasiya personalına dair, mülki aviasiya sahəsində sığorta və mülki hava gəmilərinin istismar edilməsinə dair tələblər öz əksini tapıb.

Qeyd edilənlərə əsasən Cinayət Məcəlləsinə uyğunlaşdırma xarakterli müvafiq dəyişikliklər təklif edilib. İnzibati Xətalar Məcəlləsinə təklif edilən dəyişikliklərin isə bir hissəsi Məcəllədə hazırda müəyyən edilmiş hava nəqliyyatında olan qaydalar əleyhinə inzibati xətaların "Aviasiya haqqında" qanuna uyğunlaşdırılması, digər hissəsi isə Azərbaycanın hava məkanından istifadəni və aviasiya sahəsində fəaliyyəti tənzimləyən yeni qaydaların icrasını təmin edilməsi üçün bir sıra inzibati xətaların Məcəlləyə əlavə edilməsini nəzərdə tutur.скачать dle 11.3




Şahidi olduğunuz hadisələri çəkib bizə göndərin!




            336 19.02.25 14:03