Fransa millisinin keçmiş yarımmüdafiəçisi, hazırda baş məşqçi kimi xeyli müddətdir işsiz olan Zinəddin Zidan heyətində oynamadığı üçün təəssüf etdiyi yeganə klubun adını çəkib.

Onun sözlərini "Give me Sport" yayıb.

Zidan hazırda Liqa 1-də çıxış edən, vaxtilə böyük uğurlara imza atan "Olimpik Marsel" klubunu qeyd edib.

"Marsel indi yaxşı formadadır. Mən burada oynamamışam, amma bu, təəssüf ki, reallaşmayan bir arzu idi. Onların stadionunu ziyarət edəndə, infrastrukturunu gördükdə başa düşdüm ki, bu, həqiqətən böyük klubdur. Burada çox maraqlı detallar var", - Zidan vurğulayıb.

Qeyd edək ki, Zidan Fransanın Marsel şəhərində anadan olub. Ölkənin milli komandasının baş məşqçisi Didye Deşam Zidan haqqında fikrini bildirərək onu milli komandanın rəhbəri vəzifəsinə əsas namizəd adlandırıb. Deşam 2026-cı ildə millini tərk edəcəyini açıqlayıb.скачать dle 11.3