Yeniavaz.com Qazaxıstan mətbuatına istinadən xəbər verir ki, Lomtadze ilə bərabər Qazaxıstanın “Kaspi.kz” şirkətinin bəzi rəhbərləri "Hepsiburada"nın İdarə heyətinə üzv seçiliblər. Sədr müavinləri Yuriy Didenko, Tengiz Mosidze və Pavel Mironov “Hepsiburada”nın İdarə heyətinin üzvü olublar.

Qeyd edək ki, Didenko “Kaspi.kz” şirkətində kapital bazarlarına, Mosidze maliyyəyə, Mironov isə əməliyyat fəaliyyətlərinə cavabdehdir. Bundan əlavə, “Kaspi Pay” və “Kaspi.kz”də mobil ticarətin rəhbəri Sandro Berdzenişvili də “Hepsiburada”nın İdarə heyətinə qatılıb.

Məlumat üçün bildirək ki, Gürcüstan vətəndaşı olan 50 yaşlı Mixail Lomtadze Qazaxıstanın ən böyük şirkətlərindən olan “Kaspi.kz”nin əsas səhmdarlarından biridir. Mixail Lomtadze eyni zamanda Qazaxıstanın ən böyük banklarından biri olan “Kaspi Bank”ın 23%-lik səhminə nəzarət edir. Mətbuatın yazdığına görə Mixail Lomtadze “Kaspi Bank”ın səhmlərini Nursultan Nazarbayevin hazırda həbsdə olan qardaşı oğlu Kayrat Satıbaldıulından alıb. “Forbes”in açıqladığı sonuncu məlumatda göstərilir ki, Mixail Lomtadzenin 5,8 milyard dollar sərvəti var.

Qeyd edək ki, ötən ilin oktyabr ayının 18-də açıqlanan məlumatda “Kaspi.kz” şirkətinin Türkiyədə məşhur Doğan ailəsinə məxsus olan "Hepsiburada" ticarət platformasının 65%-i üçün 1,127 milyard dollar ödədiyi bildirilib.