Kənd Təsərrüfatı Nazirliyi: “Heyvanların aşağı çəkidə kəsilməsi ət istehsalına mənfi təsir göstərir” » Median.Az - Bütün xəbərlər bir ünvanda
15:42 Azərbaycan, İran və Rusiya nümayəndə heyətləri Astara-Rəşt dəmiryoluna birgə baxış keçiriblər  |     15:29 Azərbaycan əhalisinin sayı açıqlandı  |     15:27 Azərbaycan, İran və Rusiya nümayəndə heyətləri Astara-Rəşt dəmiryoluna birgə baxış keçiriblər  |     15:10 ATƏT-in fəaliyyətdə olan sədrinin Azərbaycana səfəri təxirə salınıb  |     14:53 Bakıda taksilərin sayına limit qoyuldu: NK-dan mühüm QƏRAR  |     14:14 Bakıda şirkətdən 7 min manatlıq oğurluq - İki mühafizəçisi saxlanıldı  |     14:04 Bakıda qadın evdə doğuş edib  |     14:01 Fəvvarələr meydanında qanunsuz fotoqraflıq edən gənc həbs olundu  |     13:58 Hərbi xidmətdən yeni gələn gənci maşınla vuraraq öldürən şəxs məhkəmə zalında həbs edildi  |     12:13 Keçmiş icra başçısı VƏFAT ETDİ  |     12:13 Yevlaxda yetkinlik yaşına çatmayan ana ilə bağlı ARAŞDIRMA BAŞLADI  |     12:12 Şagirdlərin elektron yerdəyişməsi prosesinə start verilir  |     12:11 Paytaxtın Nizami rayonunda avtomobil yanıb - Video  |     12:10 Keçmiş arvadını azyaşlı oğlunun gözləri qarşısında öldürmək istəyən şəxsin cəzası azaldıldı  |     12:09 Azərbaycan nefti ucuzlaşıb  |     12:08 Paytaxtda yeni pulsuz parklanma yerləri təşkil edilib - ÜNVANLAR  |     12:07 Kürdəmirdə 34 yaşlı qadın ürəyindən bıçaqlandı - Əri SAXLANILDI  |     12:06 Cüdoçularımız Limada keçirilmiş Qran-pridə 7 medal qazanıb  |     12:05 "Microsoft" "Windows 10" əməliyyat sisteminə dəstəyi dayandırır  |     12:01 "Vitrində qapqara mazut rəngində olur" - Azərbaycanda Hindistandan gətirilən ətlər satılır? (Video)  |    

Kənd Təsərrüfatı Nazirliyi: “Heyvanların aşağı çəkidə kəsilməsi ət istehsalına mənfi təsir göstərir”

Heyvanların aşağı çəkidə kəsilməsi ət istehsalına mənfi təsir göstərir, fermerlərin daha çox gəlir əldə etməsinin qarşısını alır.

Bu açıqlamanı Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsinin müdiri Vüqar Hüseynov son günlər bəzi kütləvi informasiya vasitələrində heyvanların aşağı çəkidə kəsimi, ət istehlakının artımı ilə bağlı ekspertlərin açıqlamasına münasibət bildirərkən deyib.

O məsələ ilə bağlı Kənd Təsərrüfatı Nazirliyinə istinadın əsassız olduğunu açıqlayıb: “Heyvanların aşağı çəkidə və erkən yaşlarda kəsimi ilə bağlı bəzi ekspertlərin yanaşmaları əsassızdır və Kənd Təsərrüfatı Nazirliyinin mövqeyi bu məsələdə tam fərqlidir. Mövqeyimiz ondan ibarətdir ki, heyvanların erkən yaşda və aşağı çəkidə kəsilməsi heyvandarlığın inkişafına mənfi təsir göstərən amillərdən biri olsa da, bu sahədəki problemlərin yalnız bir aspektini təşkil edir. Çünki hesab edirik ki, heyvanların aşağı çəkidə kəsilməsi hallarının azaldılması ölkədə xırda və iribuynuzlu heyvanlardan əldə ediləcək ət istehsalının və ət məhsulları ilə özünütəminatın artmasına müsbət təsir göstərə bilər ki, bununla da idxaldan asılılıq azala bilər. Bununla yanaşı, aparılmış hesablamalar göstərir ki, heyvanları aşağı çəkidə kəsimə vermək həm də fermerlərin gəlirlərini azaldır. İri və ya xırdabuynuzlu heyvanların aşağı çəkidə yox, təsərrüfat yetişkənliyi dövründə kəsilməsi heyvandarlıqla məşğul olan fermerlərə daha çox qazanc gətirməklə yanaşı ümumi ət istehsalının da artmasına müsbət təsir göstərərdi. Bu yanaşma bütün dünyada mövcuddur”.

Şöbə müdirinin sözlərinə görə, ölkə üzrə qoyun və keçilərin orta kəsim çəkisində azalma müşahidə edilməkdədir: “Rəsmi statistik məlumatlara görə, ölkə üzrə qoyun və keçilərin orta kəsim çəkisi 2023-cü ildə 14 kq-a bərabər olub ki, bu göstərici də 2020-2022-ci illərlə müqayisədə heyvan başına 2 kiloqramdan aşağıdır. 2023-cü ildə ölkə üzrə kəsilmiş qoyun və keçilərin orta kəsim çəkisinin 2 kiloqram az olması illik qoyun əti istehsalında 8 min ton civarında itki deməkdir. Bu baxımdan hesab edirik ki, heyvanların kəsim çəkisinin yüksəldilməsi, ölkə üzrə ət məhsulları təminat məsələsinə də müsbət təsir göstərə bilər”.

Vüqar Hüseynov aşağı çəkidə heyvan kəsiminin azaldılması istiqamətində maarifləndirmə işlərinin aparıldığını deyib: “Heyvanların aşağı çəkidə kəsiminin azaldılması istiqamətində müvafiq dövlət qurumları kimi Kənd Təsərrüfatı Nazirliyi də davamlı maarifləndirmə işləri aparır. Hesab edirik ki, kəsim çəkisinin yüksəldilməsi məsələsinə bu yanaşma heyvandarlığın inkişafına, ət və ət məhsullarının istehsalının artımına perspektivdə müsbət təsir göstərəcək”.скачать dle 11.3




Şahidi olduğunuz hadisələri çəkib bizə göndərin!




            549 10.02.25 17:28