Egey dənizi ardıcıl zəlzələlər davam edir. Türkiyə vaxtı ilə saat 11:13-də Egey dənizində növbəti təkan qeydə alınıb.
Median.Az-ın "Haber Global"a istinadən xəbərinə görə, bu barədə Türkiyə Fövqəladə Halların İdarə Olunması Agentliyindən (AFAD) məlumat verilib.
Məlumata görə, bu gün saat 10:58-də 4.4, saat 10:09-da isə 4.2 bal gücündə zəlzələlər qeydə alınıb.
AFAD-ın bununla bağlı verdiyi açıqlamada 28 yanvar 2025-ci il tarixindən etibarən bölgədə intensivləşməyə başlayan zəlzələlərin sayının 400-ü keçdiyi bildirilib.
"Zəlzələ fırtınası şəklində davam edən bu aktivlik nəticəsində indiyə qədər qeydə alınan ən böyük zəlzələ 4.8 gücündədir. Zəlzələlər Santorini adasından təxminən 25 km şimal-şərqdə artmaqdadır və dərinlikləri 5 ilə 25 km arasında dəyişir", - deyə məlumatda bildirilib.
Qurumdan həmçinin bildirilib ki, ölkənin sahillərinə ən yaxın zəlzələ 140 km aralıda baş verib:
"Eyni bölgədə 2011-2012-ci illərdə də oxşar intensiv seysmik aktivlik baş verib və 14 ay davam edən bu aktivlik heç bir vulkanik fəaliyyətlə nəticələnməyib".
* * * * *
Egey dənizində fevralın 1-dən 3-dək ən kiçiyi 1.3 bal, ən böyüyü 4.8 bal olmaqla, 48 saat ərzində 200-dən çox təkan qeydə alınıb.
Oxu.az-ın Türkiyə KİV-ə istinadən xəbərinə görə, bu barədə Türkiyə Fövqəladə Halların İdarə Olunması Agentliyindən (AFAD) məlumat verilib.
Məlumata görə, yanvarın 2-də saat 20:41-də episentri Egey dənizi olan 4.5 bal gücündə zəlzələ baş verib və yeraltı təkanların ocağı 10.45 kilometr dərinlikdə olub.
Daha sonra saat 20:45-də 4.4 bal gücündə ardıcıl iki yeraltı təkan qeydə alınıb.
Yanvarın 3-də saat 07:20-də Egey dənizində 3.9 bal gücündə daha bir zəlzələ baş verib.
Şahidi olduğunuz hadisələri çəkib bizə göndərin!
Son Əlavə