Norveç polisi Baltik dənizində Latviya və İsveç arasında yerləşən optik lif kabelinin zədələnməsində iştirak etməkdə şübhəli bilinən rus ekipajlı bir gəmiyə həbs qoyub.
Qaynarinfo xəbər verir ki,bu barədə Polisin açıqlamasında deyilir.
Norveç hüquq-mühafizə orqanlarının bildirdiyinə görə, gəmi Latviya hakimiyyətinin hüquqi sorğusu və məhkəmə qərarı əsasında saxlanılıb.
Həbs edilən "Silver Dania” gəmisi Norveçdə qeydiyyatdan keçib və Norveç şirkətinə məxsusdur. Gəmi Sankt-Peterburq və Murmansk arasında hərəkət edir. Gəminin ekipajı rusiyalılardır.
Gəmi cümə axşamı saat 21:00 radələrində polis rəhbərliyi altında aparılan əməliyyat zamanı Norveç sahil mühafizəsinə məxsus "KV Bison” gəmisi tərəfindən saxlanılıb.
Saxlanılma anında gəmi Norveçin iqtisadi zonasındakı Troms bölgəsi sahillərində olub. Cümə günü səhər gəmi Troms limanına gətirilib.
Polis gəmidə axtarış, dindirilmə və sübutların toplanması əməliyyatını həyata keçirir. Məsələ barədə Norveç Polis Təhlükəsizlik Xidməti (PST) məlumatlandırılıb.
Xatırladaq ki, Baltik dənizində sualtı optik lif kabelinin zədələnməsi ilə bağlı mümkün diversiya araşdırmasının mərkəzində "Vezhen” adlı yük gəmisi olub. Gəmi, yanvarın 26-da, bazar günü, Qrinviç vaxtı ilə saat 00:45-də həmin ərazidən keçib.
İsveç prokurorluğu Baltik dənizində gəminin saxlanılması üçün order verib. Yanvarın 27-də, bazar ertəsi, İsveç hakimiyyət orqanlarının nümayəndələri saxlanılan gəminin göyərtəsinə daxil olublar.
Şahidi olduğunuz hadisələri çəkib bizə göndərin!
Son Əlavə