İsrail ordusu İordan çayının qərb sahilində antiterror əməliyyatına başladı

İsrail hərbçiləri İordan çayının qərb sahilində yerləşən Cenin bölgəsində antiterror əməliyyatına başlayıblar.

Bu barədə İsrail Müdafiə Qüvvələrinin (IDF-SAXAL) mətbuat xidmətindən məlumat verilib.

"SAXAL və İsrail Sərhəd Polisi Cenində terrorla mübarizə əməliyyatına başlayıb", - deyə məlumatda bildirilib.

Əməliyyatın "Dəmir divar" adını aldığı qeyd edilib.

Bu fonda Fələstinin "İslami Cihad" hərəkatının silahlı qanadı olan "Saraya əl-Qüds" yəhudi dövlətinin İordan çayının qərb sahilində bir neçə istiqamətdə hücumlarının dəf edildiyini bəyan edib.