Çin hökuməti "TikTok" sosial şəbəkəsinin ABŞ-dəki əməliyyatlarının milyarder və sahibkar İlon Mask tərəfindən idarə olunması variantını nəzərdən keçirir.
Bu barədə "Bloomberg" ÇXR mənbələrinə istinadən məlumat verib.
Materiala əsasən, Çin "TikTok"un ana şirkəti "ByteDance"a məxsus qalmasına üstünlük verir. Lakin yanvarın 10-da ABŞ-də keçirilən müzakirələr zamanı hakimlər belə bir nəticənin azehtimallı olduğunu bildiriblər.
Bu səbəbdən ÇXR məmurları ABŞ-nin seçilmiş Prezidenti Donald Trampın komandası ilə qarşılıqlı əlaqə metodları barədə müzakirələr aparırlar. Onların fəaliyyət planlarından birində Mask yer alır.
Mənbələrdən birinin sözlərinə görə, digər variant ABŞ-dəkı mövcud sosial şəbəkə istifadəçilərini qadağadan yan keçmək üçün oxşar, lakin başqa brendə aid tətbiqə köçürməkdir.
Şahidi olduğunuz hadisələri çəkib bizə göndərin!
Son Əlavə