"Bavariya"nın 38 yaşlı qapıçısı Manuel Noyer Almaniya kubokunun 1/8 finalında "Bayer Leverkuzen"lə matçın 17-ci dəqiqəsində karyerasında ilk dəfə birbaşa qırmızı vərəqə alıb.

Bu barədə "Championat" məlumat verib.

Birinci hissədə Noyer cərimə meydançasından kənara çıxıb və "Bayer"in müdafiəçisi Jeremi Frimponq ilə çiyin-çiyinə toqquşub. Bundan sonra o, digər oyunçunu aşkar qol imkanından məhrum etdiyi üçün meydandan qovulub.

Xatırladaq ki, 38 yaşlı qolkiper 2011-ci ildən "Bavariya"da çıxış edir. Bu müddət ərzində o, bütün turnirlərdə 539 qarşılaşmada iştirak edib.скачать dle 11.3