Zaqatalada baş verən yol qəzası zamanı xəsarət alanların vəziyyəti məlum olub.

TƏBİB-dən bildirilib ki, 04.11.2024-cü il tarixində saat 12.30 radələrində yol-nəqliyyat hadisəsi nəticəsində xəsarət alan 5 nəfər (3-ü qadın cinsli, 2-si kişi cinsli olmaqla) müxtəlif dərəcəli bədən xəsarətləri ilə Zaqatala Rayon Mərkəzi Xəstəxanasına hospitalizasiya olunublar.

"Onların hər birinə zəruri tibbi xidmətlər göstərilib. 1992-ci il təvəllüdlü şəxsin (qadın cinsli) müalicəsi Cərrahiyə şöbəsində davam etdirilir. Digər xəsarət alanlara isə tibbi xidmətlər göstərildikdən sonra ambulator müalicə üçün evə buraxılıblar",- qurumdan əlavə edilib.

***

Zaqatalada minik avtomobilləri toqquşub.

Median.Az apa-ya istinadən xəbər verir ki, hadisə Zaqatala şəhəri ərazisində baş verib.

İki VAZ-2107 markalı minik avtomobilinin toqquşması nəticəsində biri azyaşlı olmaqla, dörd nəfərin xəsarət aldığı bildirilir.

Onlar Zaqatala Rayon Mərkəzi Xəstəxanasına (RMX) yerləşdiriliblər.

Faktla bağlı Zaqatala Rayon Polis Şöbəsində araşdırma aparılır.скачать dle 11.3