Anar Ələkbərov Klaudio Qucerotti ilə görüşdü - Foto » Median.Az - Bütün xəbərlər bir ünvanda
23:00 Hansı ölkələrdən Naxçıvana nə qədər pul köçürülüb? (SİYAHI)  |     22:57 Ukrayna Rusiyaya danışıqların yeni raundunun keçirilməsini təklif edib  |     22:43 "Aparıcılar onları reytinq üçün efirə çıxarıb, ələ salırlar"  |     22:36 Tramp: "İranın yeni nüvə obyektləri məhv edilə bilər"  |     22:24 Sumqayıtda tanışını bıçaqlamaqda şübhəli bilinən şəxs saxlanıldı  |     22:11 Enerji içkiləri yeniyetmələrin sağlamlığını necə risk altına alır? – Həkimlərin xəbərdarlığı  |     21:07 Daha bir marşrut xəttinə YENİ AVTOBUSLAR verildi  |     21:06 "Real Madrid"in gəlirləri tarixi rekord qırdı - MƏBLƏĞ  |     21:03 Olimpiya və səkkizqat dünya çempionatının qalibi olan güləşçi 44 yaşında vəfat edib  |     20:52 Zuğulba şosesində avtomobildə baş verən yanğın sıxlığa səbəb olub  |     20:51 Suriyada druzlarla silahlı toqquşmalarda 940 nəfər həyatını itirib  |     20:49 Sumqayıtda ağır yol qəzası baş verib, yaralılar var  |     19:46 "Netflix" ilk dəfə serialda vizual effektlər üçün süni intellektdən istifadə etdi (VİDEO)  |     19:38 Sumqayıtda bədii gimnastika üzrə şəhər birinciliyi keçiriləcək  |     19:32 Pezeşkianla Paşinyan arasında telefon danışığı olub  |     19:25 İranda Abadan neft emalı zavodunda yanğın olub  |     19:18 Azərbaycanda tikinti materialları istehsalında əsas problemlər açıqlanıb  |     19:10 Dünya Bankı Azərbaycanın məhkəmə sistemi üçün növbəti islahatları açıqlayıb  |     19:03 "Karvan" futbolçusu ilə vidalaşıb  |     18:58 Zelenski Rusiyanın Ukrayna ərazisinə 300-dən çox dron və 30 raket buraxdığını bildirib  |    

Anar Ələkbərov Klaudio Qucerotti ilə görüşdü - Foto

Azərbaycan Prezidentinin köməkçisi, Heydər Əliyev Fondunun icraçı direktoru Anar Ələkbərov Müqəddəs Taxt-Tacın Şərq kilsələri üzrə dikasteriyasının prefekti kardinal Klaudio Qucerotti ilə görüşüb.

Median.Az
xəbər verir ki, görüşdə Azərbaycan və Vatikan arasında mövcud əlaqələr, Heydər Əliyev Fondu ilə əməkdaşlıq çərçivəsində layihələr müzakirə olunub.

Klaudio Qucerotti Heydər Əliyev Fondunun Vatikanda həyata keçirdiyi layihələri yüksək qiymətləndirib və daimi dəstəyə görə Fondun prezidenti Mehriban Əliyevaya Roma Papası Fransiskin xüsusi minnətdarlığını çatdırıb.

Görüşdə Heydər Əliyev Fondunun Vatikanda katakombların bərpası, Vatikan muzeyi və Apostol kitabxanası ilə sıx əməkdaşlığı, arxiv əlyazmalarının rəqəmsallaşdırılması, Vatikan arxeoloqlarının Azərbaycana tarixi və dini abidələrin bərpası məqsədilə tanışlıq səfəri və təcrübə mübadiləsi xüsusi qeyd olunub və gələcəkdə yeni layihələrin icrasının vacibliyi vurğulanıb.

Kardinal Qucerotti bu tədbirləri yüksək qiymətləndirərək Azərbaycan hökuməti və Heydər Əliyev Fondunun dəstəyi ilə Bakıda yeni katolik kilsəsinin tikintisinin ölkəmizin multikultural siyasətinin bariz nümunəsi olduğunu bildirib.

Qonaq dünyada dini zəmində baş verən münaqişələrin genişlənməsi fonunda Azərbaycan hökumətinin həyata keçirdiyi multikulturalizm siyasəti, ölkədə müxtəlif dinlərin sülh şəraitində yaşaması, dini etiqad azadlığının sülhə ən böyük töhfə olduğunu vurğulayıb.

Heydər Əliyev Fondunun icraçı direktoru Anar Ələkbərov Fondun prezidenti Mehriban Əliyevanın Vatikanla münasibətlərə hər zaman xüsusi önəm verdiyini deyib və gələcəkdə də bu əməkdaşlığın inkişaf etdiriləcəyinə əminliyini ifadə edib. Vatikan şəhəri dövləti üzrə qubernatorluğu ilə Heydər Əliyev Fondu arasında Müqəddəs Pavel Bazilikasında həyata keçiriləcək bərpa işləri bağlı imzalanmış əməkdaşlıq müqaviləsi tərəflər arasındakı sıx əməkdaşlığın göstəricisi kimi qeyd olunub.

Müqəddəs Taxt-Tacın nümayəndəsi Heydər Əliyev Fondu ilə gələcək layihələr sırasında Vatikanda Azərbaycanın mədəniyyət günlərinin keçirilməsi, sərgi və konsert proqramının təşkil olunması və müxtəlif sahələrdə mütəxəssislər arasında qarşılıqlı mübadilənin təşkil olunması təklifini də irəli sürüb.

Görüş zamanı Klaudio Qucerottiyə 11-22 noyabr tarixlərində Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına hazırlıq işləri barədə də məlumat verilib. Qonaq COP29 ərəfəsində “Dünya dinləri yaşıl planet naminə” şüarı altında keçiriləcək Dini Liderlərin Qlobal Sammitinin dinlərarası münasibətlərin müsbət inkişafına və beynəlxalq konfransın uğuruna töhfə verəcəyinə əminliyini bildirib.




скачать dle 11.3




Şahidi olduğunuz hadisələri çəkib bizə göndərin!




            606 04.11.24 20:30