"WhatsApp" işlədənlər üçün möhtəşəm YENİLİK - Bundan sonra…

Məşhur "WhatsApp" messencerinin komandası istifadəçilərə həmsöhbətləri tərəfindən göndərilən şəkillərin həqiqiliyini tez bir zamanda yoxlamağa kömək edəcək yeni funksiya üzərində işləyir.

Bu seçim artıq Android üçün "WhatsApp"ın ən son beta versiyasında mövcuddur və çox güman ki, iOS üçün gələcək yeniləmələrə daxil ediləcək.

Median.Az Lent.az-a istinadən xəbər verir ki, bu yenilik müəllif hüquqlarının qorunması üçün nəzərdə tutulub.

Məsələn, şirkətlər öz məhsullarının və ya xidmətlərinin fotoşəkillərini göndərə bilər və vicdansız həmsöhbətlər başqalarının işlərini özlərininki kimi qəbul edərək müştəriləri manipulyasiya edə bilərlər.

Bu funksiyadan istifadə etmək üçün istifadəçi göndərilən şəkli açmalı, yuxarı sağ küncdəki üç nöqtəyə klikləməli və "Onlayn tap" təklifi seçilməlidir.

Bundan sonra "WhatsApp" standart brauzerinizi açacaq və internetdə oxşar şəkilləri axtaracaq. Bu, istifadəçilərə şəklin internetdən çəkilib-çəkilmədiyini tez bir zamanda yoxlamağa imkan verəcək.

İstifadəçilər xəbərlərdə yaxud sosial şəbəkələrdə dərc olunan şəkillərin həqiqiliyini yoxlaya biləcəklər ki, bu da dezinformasiyanın yayılmasına qarşı istifadə oluna bilər.

Hazırda yenilik inkişaf mərhələsindədir və gələcək "WhatsApp" yeniləməsində əlçatan olacaq.