Rusiyada helikopter qəzası: İçində deputat və iş adamı olub » Median.Az - Bütün xəbərlər bir ünvanda
23:01 Bakıda ən ucuz mənzillər bu rayonlarda satılır  |     22:55 FHN-ə işə düzəltmək adı ilə daha bir dələduzluq  |     22:50 Azərbaycanda yeni futbol klubu yaradıldı (FOTO)  |     22:43 Süpürgəçilər arasında dava: Məhkəmə qərar verdi  |     22:35 Bu rayonun 18 kəndinin adının yazılışında hərf səhvi var  |     22:30 Azərbaycanda tanınmış siqaret istehsalçıları birləşir  |     22:23 10 manata görə anasını boğmaq istədi: Məhkəmədə "onu bərk qucaqladım" dedi...  |     22:18 Heç vaxt süni intellektlə əvəzlənməyəcək bir peşə açıqlandı  |     22:10 Şagirdin gündəliyinə də ehtiyac qalmayacaq  |     22:03 20 ilə hazırlanıb: Dünyanın ən dəqiq saatı  |     21:58 Zaqatala sakini öz bağında hücuma məruz qaldı  |     21:50 Yararsız pullarını dəyişdirmək istəyənlərin nəzərinə!  |     21:44 Bakıda motosiklet qaçırdılar  |     21:39 Pensiya alanlara şad xəbər: Bu tarixdən artım olacaq  |     21:32 Qanunsuz saxlanılan silah-sursat götürüldü  |     21:26 Ürək xəstəliklərinin 4 erkən əlaməti hansılardır?  |     21:17 Azərbaycanda 8 ayda 2 300-dən çox minik avtomobili istehsal edilib  |     21:10 ATƏT rəsmisi: Minsk prosesinin bağlanması ilə bağlı qərarın icrasına başlanılıb  |     21:04 Cəlilabadda məktəblinin öldürülməsinin təfərrüatları məlum olub  |     20:59 Azərbaycanda elektrikli avtobusların sayı 6 dəfəyə yaxın artıb  |    

Rusiyada helikopter qəzası: İçində deputat və iş adamı olub

Rusiyanın Arxangelsk vilayətində yoxa çıxmış şəxsi helikopter tapılıb.

Bu barədə Median.Az "SHOT" "Telegram" kanalına istinadən xəbər verir.

Məlumata görə, qəzaya uğrayan "Robinson 44" helikopterinin göyərtəsində Arxangelsk Şəhər Dumasının deputatı Sergey Smetanin və iş adamı Aleksey Semyonov olublar.

İlkin məlumatlara görə, onların hər ikisi həlak olub. Helikopter Bıçye qəsəbəsindən beş kilometr aralıda qəzaya uğrayıb.

Bildirilir ki, sentyabrın 25-də Sergey Smetanin dostu, metal qırıntılarının emalı şirkətinin sahibi Aleksey Semyonovun helikopterində balıq ovuna çıxıb. İş adamı helikopteri özü idarə edib.

Əvvəlcə Arxangelskdən Ezevets kəndinə qədər uçublar. Orada bütün lazımi avadanlıqları götürərək yaxınlıqdakı mənzərəli göllərə doğru hərəkət ediblər. Balıq tutduqdan sonra kəndə qayıdıblar, yükləri boşaldıblar və Arxangelskə geri istiqamət alıblar.

Yolda yanacaq doldurmaq üçün Bıçye qəsəbəsinə eniblər. Oradan axşam saat 7 radələrində yaxınlarına son mesajlarını göndəriblər ki, artıq evə uçurlar və üç saatdan sonra çatacaqlar. Bundan sonra bir daha əlaqə saxlamayıblar.

Bir neçə saat sonra Smetanin və Semyonovun ailələri narahat olmağa başlayıblar, lakin uçuş razılaşdırılmadığı və helikopter heç bir aerodromda qeydiyyata alınmadığı üçün fövqəladə hallar xidmətinə dərhal məlumat verməyiblər.

Qeyri-qanuni helikopterin yoxa çıxması barədə yalnız ertəsi gün, faciənin baş verdiyi məlum olduqdan sonra danışmaq qərarına gəliblər. Sonradan məlum olub ki, "Robinson-44" bataqlıq əraziyə düşüb.
скачать dle 11.3




Şahidi olduğunuz hadisələri çəkib bizə göndərin!




            915 27.09.24 13:29