Sudanda vəba epidemiyasından ölənlərin sayı 242-yə yüksəldi

Sudanda vəba epidemiyası nəticəsində həyatını itirənlərin sayı 242-yə yüksəlib.

Bu barədə Sudan Səhiyyə Nazirliyi məlumat yayıb.

Nazirlikdən verilən açıqlamada bildirilib ki, 18 əyalətdən 8-də yayılan vəba epidemiyasına yoluxma sayının 6 min 968-ə çatıb.

Həmçinin açıqlamada, 11 əyalətdə yağış və daşqınlardan zərər çəkənlərin sayının 250 min 111-ə yüksəldiyi də qeyd edilib.

İyun ayından bu yana ölkədə təsirli olan yağışlar və daşqınlar vəba xəstəliyinin yayılmasına səbəb olub. Sudan hakimiyyəti avqustun 12-də vəba xəstəliyini epidemiya elan edib.

Müharibənin davam etdiyi, səhiyyə sisteminin qarışıq olduğu ölkədə epidemik xəstəliklərin yayılması insanların həyatını daha da çətinləşdirib.

Qeyd edək ki, iyul-oktyabr ayları arasında baş verən daşqınlar nəticəsində hər il 100-dən çox adam ölür, on minlərlə ev, iş yeri və əkinçilik sahəsinə ziyan dəyir.
//azxeberскачать dle 11.3

Şahidi olduğunuz hadisələri çəkib bizə göndərin!