İlin əvvəlindən Anqolada azı 3 min insan vəbaya yoluxub

Anqola Səhiyyə Nazirliyi 2025-ci ilin əvvəlindən indiyədək vəba xəstəliyinə 2 880-dən çox yoluxma halı qeydə alıb.

Bu barədə "Angop" agentliyi nazirliyə istinadən məlumat yayıb.

Bildirilir ki, 97 xəstə vəfat edib.

Ən çox Luanda əyalətində yoluxma (1 425 hal) qeydə alınıb. Həssas qrupa iki yaşdan beş yaşa qədər olan uşaqlar daxildir. Onlar arasında 443 yoluxma və 12 ölüm halı aşkarlanıb.

Ümumdünya Səhiyyə Təşkilatı qeyd edir ki, 2021-ci ildən dünyada vəba xəstəliyinə yoluxma halları artır. Ən kəskin vəziyyət Zambiyada müşahidə olunub. Bununla yanaşı, xəstəlik Mozambik, Tanzaniya, Konqo Demokratik Respublikası, Efiopiya və Nigeriyada yayılıb.
//report