Qarpız pestisidlərlə yetişdirildikdə, nitrat yığmağa meylli olur. Bu maddələrlə zəngin qarpız yeyirsinizsə, simptomlar 4-6 saat ərzində görünməyə başlayacaq. Nitrat zəhərlənməsi ilə bağlı heç nə etməsəniz, sağlamlığınıza ciddi zərər vurma riski var. Nitrat zəhərlənməsinin əlamətlərinə aşağıdakı simptomlar daxildir: ürəkbulanma, qarın ağrısı, qızdırma, zəiflik və oynaqlarda ağrı, eyni zamanda hamilə qadınlar, yaşlılar və ya 12 yaşdan kiçik uşaqlarda zəhərlənmə əlamətləri müşahidə olunarsa, dərhal təcili yardım çağırmalısınız.
Qarpız zəhərlənməsindən özünüzü necə qorumalısınız?
Qarpızları yeməkdən əvvəl yaxşıca yuyun, yarım saat soyuq suda saxlayın.
Qabığa yaxın olan tərəfləri yeməyin, çünki ən çox nitrat orada toplanır.
Satınalma zamanı kəsmə zəhərlənmə üçün təhlükəli bir səbəbdir. Çünki bu zaman mikroorqanizmlər kəsikdən içəri daxil olur.
Qarpızdan zəhərlənmənin simptomları adi qida zəhərlənməsindən az fərqlənir. Əgər intoksikasiya kimyəvi maddələrin olmasından qaynaqlanırsa, məhsulda nitrat olduğunu ortaya çıxarır. Simptomlar 2-3 saatdan sonra görünməyə başlayır. Mədə artan intensivliklə ağrımağa başlayır. İnfeksiya tez yayılır və qısa müddətdən sonra ishal və qusma başlayır. Xəstənin vəziyyəti pisləşir. Zəiflik yaranır, titrəmə və qızdırma baş verir. Viral bağırsaq infeksiyası ilə simptomlar 5-6 saatdan sonra görünür.
“Azad İstehlakçılar” Birliyinin sədri Eyyub Hüseynov Bizimyol.info xəbər portalına açıqlamasında bildirib ki, hər il “Azad İstehlakçılar” Birliyi portativ cihaz ilə qarpız və yemişlərin tərkibində olan nitratların miqdarını yoxlayır.
“İllər boyu bu həmişə normadan qat-qat artıq olub. Etiraf edək ki, ildən-ilə bu da azalır. Çünki gübrələr bahalaşır. Bu səbəbdən də, kənd təsərrüfatı ilə məşğul olanlar daha az gübrə verirlər. Buna baxmayaraq, bütün hallarda qarpızların tərkibində nitratlar olur. Əgər qarpız çox yeyilərsə, artıq zəhərlənmə həddinə çıxar. İnsanlar qarpızı çox yeyəndə zəhərlənə bilər. Ona görə bir ailənin üzvlərindən daha kim çox yeyərsə və yaxud orqanizmdən asılı olaraq, zəhərlənmə həddinə gələ bilər.
Ümumiyyətlə, elmi ədəbiyyatda və Azərbaycanda dərc olunan ədəbiyyatda norma göstərilir. Lakin deyilmir ki, bu normadan nə qədər artıq olanda insan zəhərlənə bilər. Heç yerdə bu haqda ətraflı və konkret informasiya qeyd olunmur”- deyə ekspert əlavə edib.
Eyyub Hüseynov bildirib ki, qarpızlarda zəhərlənmə problemi hər zaman olub. Ekspertin sözlərinə görə, xaricdən gətirilən qarpızlara da nitrat, yəni gübrə verilir.
Bəs gübrəli qarpızla gübrəsiz qarpızı necə fərqləndirmək olar?
Eyyub Hüseynov qeyd edib ki, gübrəli qarpız çox böyük olur. Gübrəsiz qarpız 4-5 kq həcmində olur.
Gübrəli qarıpızı kəsəndə çəhrayı rəngdə olur. İçərisində yoğun zoğları olur. Gübrəsiz qarpız alqırımızı olur, zoğlar nazik olur.
Gübrəli qarpız nisbətən daha şirin olur. Gübrəsiz qarpız nisbətən az şirin olur. Gübrəli qarpızın qabığı qalın, 1 sm-dən artıq olur. Gübrəsiz qarpızın qabığı yarım sm-dən artıq olmur. Gübrəsiz qarpıza bıçaq vuranda partlayır. Bu yaxşı əlamətdir və s. Bu kimi hallara fikir vermək lazımdır.
Ekspert bildirib ki, gün içində 2 kq-dan çox qarpız yemək tövsiyyə olunmur.
“Qarpız elə bir bitkidir ki, ona hətta gübrə verməsən və yonca əkilmiş yerdə növbəti il əksən yerdən özünə çoxlu azot çəkəcək. Yəni nitrat çəkəcək. Ona görə, təbiətin bu qeyri-adi möcüzəsi ilə çox diqqətli davranmaq lazımdır”-deyə Eyyub Hüseynov əlavə edib.
Şahidi olduğunuz hadisələri çəkib bizə göndərin!
Son Əlavə