Bakıda avtomobil 77 yaşlı qadını vurub

Bakının Səbail rayonunda piyadanın xəsarət alması ilə nəticələnən yol-nəqliyyat hadisəsi baş verib.

"Report"un məlumatına görə, metronun "Sahil" stansiyasının yaxınlığında yolu keçən 1947-ci il təvəllüdlü Mükafat Qurban qızı Fərəcovanı avtomobil vurub.

Yaralı təcili tibbi yardımın köməkliyi ilə xəstəxanaya çatdırılıb.

Faktla bağlı araşdırma aparılır.