Dünya çempionu Almaniyada güllələnərək öldürülüb

IBF versiyası üzrə keçmiş Avropa və dünya çempionu Besar Nimani 38 yaşında öldürülüb.

Məlumata görə, veteran boksçu Almaniyanın Bilfeld şəhərində restorandan çıxarkən güllələnib. Nimani hadisə yerindəcə ölüb.

İdmançı 1985-ci ildə Kosovoda anadan olub, 1997-ci ildə Almaniyaya köçüb və sonra orada yaşayıb. 2011-2019-cu illərdə rinqdə keçirdiyi 27 peşəkar döyüşün 26-da qalib gəlib.

Qeyd edək ki, boksçu bundan əvvəl - 2013-cü ildə də Bilfeldin mərkəzində mübahisədən sonra atışmada dizindən və budundan yaralanmışdı.

Mənbə: sport.ua