Ombudsman: Mina terroru törədən Ermənistan rəhbərliyi öz məkrli siyasətindən hələ də əl çəkmir » Median.Az - Bütün xəbərlər bir ünvanda
23:01 Bir manata görə "parkovşik"lər dalaşdı: Birinin çənəsi sındı  |     22:57 İran İsrailə yüzlərlə ballistik raket buraxdığını bildirib  |     22:55 Bu rayonda xəstəxana tikilir - Layihəsi 597 minə hazırlanacaq  |     22:50 Bakı çimərliklərində "cib yandıran" qiymətlər  |     22:44 Bakıda tanınmış həkim narkotacir kimi saxlanıldı - Rəsmi (VİDEO)  |     22:36 Azərbaycanda illik inflyasiya məlum olub (RƏQƏMLƏR)  |     22:30 Mingəçevirdə üç avtomobil toqquşdu: Xəsarət alanlar var  |     22:25 Paşinyan: "İrəvan və Bakı sülh sazişinin imzalanması üçün məsləhətləşmələr aparır"  |     22:17 Bakıda mübahisə ölümə səbəb oldu - Fotoqraf qonşusu tərəfindən qətlə yetirildi  |     22:12 İsrail-İran gərginliyinə görə Həcc ziyarətindən qayıdan zəvvarlarımız çətin vəziyyətə düşdülər  |     22:04 Bakı-Naxçıvan-Bakı avtobus reysləri fəaliyyətini dayandırıb  |     21:59 Əlikram Bayramovun itkin düşmüş qardaşı oğlu tapıldı  |     21:51 "Space TV"yə "Maşa və ayı" cizgi filminə görə xəbərdarlıq edildi  |     21:46 "Real" Argentina millisinin futbolçusunu transfer edib  |     21:39 ABŞ Yaxın Şərqə hərbi qüvvə göndərir  |     21:32 Rusiya və bir sıra ölkənin 90-a yaxın mədəniyyət nümayəndəsi quru yolla İrandan Azərbaycana gətiriləcək  |     21:31 Xameneinin iqamətgahlarından biri raketlə vurulub  |     21:25 Üç şəhərətrafı avtobus marşrutları üzrə müsabiqənin qalibləri müəyyən edilib  |     21:19 İsrailin şimalında hava həyəcanı siqnalı verilib, iki PUA vurulub  |     21:11 Azərbaycanda taksi şirkəti və direktoru cərimələnib  |    

Ombudsman: Mina terroru törədən Ermənistan rəhbərliyi öz məkrli siyasətindən hələ də əl çəkmir

Mina terroru törədən Ermənistan rəhbərliyi öz məkrli siyasətindən hələ də əl çəkmir.

"Report" xəbər verir ki, bu barədə Ombudsmanın Ermənistan tərəfindən törədilən növbəti silahlı təxribatlarla bağlı şərhində deyilir.

S.Əliyeva bildirib ki, etnik zəmində nifrət və etnik təmizləmə siyasəti həyata keçirərək, beynəlxalq hüququn norma və prinsiplərini heçə sayaraq otuz ilə yaxın müddətdə Azərbaycan torpaqlarını işğal altında saxlayan, bir milyondan artıq soydaşımızı öz yurdlarından didərgin salan, dörd minə yaxın azərbaycanlının itkin düşməsinə səbəb olan və ərazilərimizdə mina terroru törədən Ermənistan rəhbərliyi öz məkrli siyasətindən hələ də əl çəkmir:

"Belə ki, fevralın 12-də Ermənistan silahlı qüvvələri tərəfindən növbəti dəfə atəşkəs pozulmuş, ordumuzun Tovuz rayonunun Koxanəbi yaşayış məntəqəsi, həmçinin Dövlət Sərhəd Xidmətinin (DSX) Sərhəd Qoşunlarının Zəngilan rayonunun Kolluqışlaq kəndi ərazisində yerləşən mövqeləri istiqamətində atəş açılmış, nəticədə DSX-nin hərbi qulluqçusu yaralanmışdır.

Ermənistan rəhbərliyi regionda sülh quruculuğu prosesi üçün yeni imkanların yarandığı bir dövrdə gərginliyi artıran bu kimi təxribatçı əməllərdən əl çəkməli, sülhün bərqərar olunması istiqamətində real addımlar atmalıdır.

Hesab edirəm ki, beynəlxalq təşkilatlar regionda dayanaqlı sülhün bərqərar olması üçün Ermənistan tərəfindən törədilən hərbi cinayətlərə etinasız qalmamalı və bu ölkəyə sülh danışıqlarını, hərbi qulluqçuların həyat və sağlamlıqlarını təhdid altına alacaq silahlı təxribatlara son verməsi məqsədilə ciddi çağırışlar etməlidir".скачать dle 11.3




Şahidi olduğunuz hadisələri çəkib bizə göndərin!




            1 482 13.02.24 19:12