Bakıda anbarda yanğın olub

Bakı şəhərinin Nərimanov rayonunda yanğın olub.

Fövqəladə Hallar Nazirliyi xəbər verir ki, ümumi sahəsi 170 kvadratmetr olan anbarın içərisində 50 kvadratmetr sahədə yığılan su qızdırıcıları və kombi aparatları yanıb. Anbarın qalan hissəsi və bitişik digər obyektlər yanğından mühafizə olunub.

Yanğın yanğından mühafizə bölmələri tərəfindən söndürülüb.