Mojo.az Banner
22:54 Azərbaycanda bu məhsul kəskin BAHALAŞDI - VİDEO  |     22:53 Məktəbin həyətində infarkt keçirən oğlan ölümündən əvvəl bərk qorxubmuş... - VİDEO  |     22:53 Zelenski Parisdə Makronla görüşəcək  |     22:44 Əli Kərimlinin evindən Ramiz Mehdiyevin məktubu tapılıb  |     22:30 Amerikalılar "Qara cümə"də rekord məbləğdə pul xərclədilər  |     22:23 Ürəyi qoruyur deyə ovuc-ovuc yediyimiz çərəz ağciyəri məhv edirmiş  |     22:03 Məhəmməd Əsədullazadə: "Proseslər göstərir ki, Ramiz Mehdiyevin Rusiya ilə əlaqələri ifşa olunub"  |     21:50 VİRAT gəmisi Türkiyəyə aparılır  |     21:41 “Ramiz Mehdiyev və AXCP vahid tandem kimi çalışıb” - Deputat  |     21:34 Mehdiyev-Kərimli tandemi: Köhnə oyun, yeni fiasko  |     21:08 Xırdalanda kişi evinin həyətində ölü tapıldı  |     20:53 "Airbus" təyyarələrində yaranan nasazlıq Roma Papasına da təsir etdi  |     20:46 Pəncərədən yıxılan 3 yaşlı uşaq xəstəxanaya yerləşdirilib  |     20:40 Meteohəssas insanların nəzərinə  |     20:33 12 min ildir yatmış vulkan yenidən aktivləşir  |     20:26 Bakıda məktəbin həyətində infarktdan ölən gəncin FOTOSU  |     20:20 Bakıda məktəbin həyətində infarktdan ölən gəncin FOTOSU  |     20:11 İlon Maskın sosial şəbəkəsi istifadəçilərini sürətlə itirir: Onlar hara "qaçır"?  |     20:06 Virtual xuliqanlıq "bahalaşacaq" - Bəs nəticə olacaq?  |     19:59 Azərbaycanda avtomobillərin bahalaşması gözlənilir  |    
Left Banner
Right Banner

İlham Əliyev Roma Papasını təbrik etdi

20.12.2023 13:08 1 263
İlham Əliyev Roma Papasını təbrik etdi
Azərbaycan Respublikasının Prezidenti İlham Əliyev Roma Papası Fransiskə təbrik məktubu ünvanlayıb.

President.az xəbər verir ki, məktubda deyilir:

“İsa peyğəmbərin mübarək mövludu - Milad bayramı münasibətilə Sizi və Sizin simanızda bütün həmməzhəblərinizi ürəkdən təbrik edir, ən səmimi və xoş arzularımı çatdırıram.

Xristian aləminin ən müqəddəs bayramlarından biri, yeniliyin, mərhəmət və şəfqət duyğularının rəmzi olan Milad bayramı insanları yüksək mənəvi ideallar və dəyərlər ətrafında birləşdirərək qəlbləri parlaq ümidlərlə doldurur, yeni nailiyyətlərə ruhlandırır. Yüksək birgəyaşayış mədəniyyəti və çoxəsrlik tolerantlıq mühitinin mövcud olduğu Azərbaycan cəmiyyətində Milad bayramı ölkəmizdə ənənəvi olaraq qeyd olunan dini bayramlar arasında özünəməxsus yer tutur.

Fəxrlə qeyd edirəm ki, bu gün Azərbaycan etnik və dini müxtəlifliyin milli sərvət kimi qorunduğu, bütün konfessiyalar üçün bərabər şəraitin yaradıldığı məkan, dünyada multikulturalizmin ünvanlarından biridir. Ölkəmizdə tarixən olduğu kimi hazırda da əmin-amanlıq, mehribanlıq, qarşılıqlı hörmət və etimad şəraitində yaşayan müxtəlif xalqların və dinlərin nümayəndələri arasında nümunəvi dostluq və qardaşlıq münasibətləri hökm sürür.

Cəmiyyətimizdə etnik-mədəni müxtəlifliyin, dinlərarası harmoniyanın, dini-mənəvi irsin və multikultural dəyərlərin qorunub-saxlanılması dövlət siyasətimizin başlıca istiqamətlərindəndir. Azərbaycanda xristian inanclı vətəndaşlarımız digər etiqadların mənsubları ilə birgə ölkəmizin ictimai-siyasi həyatının bütün sahələrində yaxından iştirak edir, dövlətimizin hərtərəfli inkişafına layiqli töhfələr verirlər. Əminəm ki, xristian icması doğma Vətənləri olan Azərbaycanın tərəqqisi və rifahı naminə qüvvə və bacarığını bundan sonra da əsirgəməyəcəkdir.

Azərbaycanın Müqəddəs Taxt-Tac ilə əlaqələrinin yüksələn xətlə və dinamik inkişafı məmnunluq doğurur. Xoşməramlı niyyətlərə xidmət edən ikitərəfli münasibətlərimizin tarixi əlamətdar hadisələr və nailiyyətlər ilə zəngindir. Azərbaycan-Müqəddəs Taxt-Tac əməkdaşlığının inkişafında, konstruktiv dialoqumuzun genişlənməsində Sizin böyük şəxsi töhfənizə, habelə Azərbaycanın multikulturalizm və tolerantlıq ənənələrinə daim verdiyiniz yüksək qiymətə görə Sizə minnətdarlığımı bildirirəm.

İnanıram ki, Azərbaycan ilə Müqəddəs Taxt-Tac arasında mövcud olan nümunəvi əməkdaşlıq münasibətləri bundan sonra da sivilizasiyalar arasında qarşılıqlı etimad mühitinin yaradılmasına və ümumbəşəri dəyərlərin təşviqinə xidmət edəcəkdir.

Bu xoş fürsətdən istifadə edərək Sizi doğum gününüz və qarşıdan gələn Yeni, 2024-cü il münasibətilə də səmimi-qəlbdən təbrik edir, möhkəm cansağlığı, xoşbəxtlik, humanizm ideallarının təntənəsi naminə ali missiyanızda uğurlar diləyirəm”.скачать dle 11.3