Sumqayıt polisi narkotik aludəçisinin intiharının qarşısını alıb

Sumqayıt şəhərində intihara cəhdin qarşısı alınıb.

“Report”un yerli bürosu məlumat verir ki, Sumqayıt şəhər sakini, narkotik aludəçisi, 1986-cı il təvəllüdlü Elçin Zakir oğlu Tarverdiyev naməlum səbəbdən yaşadığı ünvanda intihar etmək məqsədilə özünü qapının çərçivəsindən asmağa cəhd edib.

Hadisə yerinə Sumqayıt Şəhər Polis İdarəsinin əməkdaşları cəlb olunublar və intiharın qarşısı alınıb.

Faktla bağlı araşdırma aparılır.