İmişlidə VAZ və BMW toqquşdu: Xəsarət alanlar var

İmişli rayonunda yol-nəqliyyat hadisəsi baş verib. Qəza zamanı 3 nəfər xəsarət alıb.

AZƏRTAC-ın bölgə müxbiri xəbər verir ki, hadisə saat 22 radələrində İmişli rayonunun Murğuzallı kəndi ərazisində qeydə alınıb.

Hadisə zamanı VAZ-2106 və BMW markalı minik avtomobilləri toqquşub.

Qəza nəticəsində VAZ-2106 markalı avtomobilin sürücüsü, 1955-ci il təvəllüdlü Şakir Əbilov və avtomobildə olan onun nəvələri 2008-ci il təvəllüdlü Rəvanə Əfraz qızı Əbilova, 2006-cı il təvəllüdlü Rövşən Əfraz oğlu Əbilov müxtəlif dərəcəli xəsarətlər alıblar.

Yaralılar İmişli rayon mərkəzi xəstəxanasına yerləşdiriliblər. Sürücünün vəziyyətinin ağır olduğu bildirilir.

Faktla bağlı araşdırma aparılır.скачать dle 11.3

Şahidi olduğunuz hadisələri çəkib bizə göndərin!