Bakı polisindən əməliyyat: Saxlanılanlar var - VİDEO » Median.Az - Bütün xəbərlər bir ünvanda
18:04 Sabah Suraxanıda qaz olmayacaq  |     17:31 Lənkəranda bir ailənin beş üzvü qəzaya düşdü  |     17:02 Elektrik və qazla əlaqədar sabit tarifin tətbiqinin məqsədi AÇIQLANDI  |     16:43 İsmayıllıda səkkiz yaşlı oğlana təcavüz edildi  |     16:19 Prezident TƏSDİQLƏDİ - Azərbaycanla Çin arasında viza rejimi ləğv edildi  |     16:18 Tanınmış jurnalisti döyüb ayağını sındırdılar - VİDEO  |     16:07 "ChatGPT"nin işində nasazlıq yaranıb  |     15:50 Müsahibədə uğur qazanan bəzi uşaqlar avtomatik birinci sinfə yerləşdiriləcəklər  |     15:12 "Məclis.İnfo" işində ittiham elan olundu  |     15:10 Hərbi Prokurorluqda YENİ TƏYİNAT  |     14:58 Bakıda tələbə qız qarpızdan zəhərlənərək öldü - TƏBİB-dən AÇIQLAMA (VİDEO)  |     14:56 Əli Əsədov Özbəkistanda səfərdədir  |     14:26 Bakıda hotelə bomba qoyulması barədə yalan məlumat verən şəxsə HÖKM OXUNDU  |     14:25 Qəbələ və Şəkidə onminlərlə abonentin qazı kəsiləcək - SƏBƏB  |     14:23 Sabah 36 dərəcə isti olacaq  |     14:22 Qeyri-məqbul qiymət alan abituriyentlərin NƏZƏRİNƏ  |     14:21 Sürücülərin NƏZƏRİNƏ - Bakının mərkəzində sərnişinlər üçün "drop-off" məntəqəsi yaradıldı  |     14:20 Avtoxuliqanlıq edərək görüntüləri sosial şəbəkədə yayan sürücü saxlanıldı - VİDEO  |     14:18 Şəkidə həyat yoldaşının qətlində təqsirləndirilən şəxs HƏBS EDİLDİ  |     14:16 Bayram günlərində 230 yanğın hadisəsi olub - Video  |    

Bakı polisindən əməliyyat: Saxlanılanlar var - VİDEO

Baş Narkotiklərlə Mübarizə İdarəsinin keçirdiyi növbəti əməliyyatlar zamanı narkotiklərin satışını həyata keçirən şəbəkəyə daxil olan daha doqquz nəfər saxlanılıb, onlardan 36 kiloqrama yaxın narkotik vasitə aşkar edilib.

Bu barədə Daxili İşlər Nazirliyi (DİN) məlumat yayıb.

Bildirilib ki, idarənin əməkdaşları tərəfindən Qaradağ rayonu ərazisində keçirdikləri tədbir zamanı əvvəlcə paytaxt sakini İsmayıl Qədirov saxlanılıb.

Onun üzərinə baxış zamanı 12 qram, idarə etdiyi avtomobildən isə 4 kiloqram heroin aşkar edilib.

Binəqədi rayonunda həyata keçirilən digər bir əməliyyat zamanı narkotik vasitələrin qanunsuz dövriyyəsi ilə məşğul olmaqda şübhəli bilinən Məzahir Musayev də saxlanılıb. Onun üzərindən 24 qram, idarə etdiyi “Ravon” markalı maşından isə 2 kiloqram 50 qram heroin aşkar edilib.

Baş İdarə əməkdaşları tərəfindən həyata keçirilən növbəti əməliyyat zamanı narkotiklərin satışını həyata keçirən şəbəkəyə daxil olan daha üç nəfər - Sənan Tağızadə, Şamxal Abbasov və Nicat Quliyev saxlanılıblar. Bu şəxslərin üzərində ümumilikdə 27 qram heroin və metamfetamin aşkar edilib. Əməliyyat tədbirlərinin davamı olaraq Nicat Quliyevin yaşadığı evdən 19 kiloqram 845 qram heroin və 635 qram metamfetamin aşkar edilərək götürülüb.

Qeyd edilən bu əməliyyatlar zamanı saxlanılan İsmayıl Qədirov, Məzahir Musayev, Sənan Tağızadə, Şamxal Abbasov və Nicat Quliyevin ətrafında aparılan araşdırmalarla müəyyən edilib ki, onlar xarici ölkələrdə yaşayan və Azərbaycana qaçaqmalçılıq yolu ilə narkotik maddələr göndərən narkotacirlərlə əlaqələr yaradaraq narkokuryerliyə cəlb ediliblər.

Onların əsas məqsədləri müxtəlif vasitələrlə əldə etdikləri külli miqdarda narkotik vasitə və psixotrop maddələrin ölkə ərazisində qanunsuz dövriyyəsini təşkil etmək olub. Bu şəxslər həmçinin narkotik maddələrin onlayn yolla satışından əldə olunan pul vəsaitlərini nağdlaşdırılmasına da nəzarət ediblər. Bununla saxlanılan İsmayıl Qədirov, Məzahir Musayev, Sənan Tağızadə, Şamxal Abbasov və Nicat Quliyev narkotik vasitələrin satışından əldə edilən çirkli pulların dövriyyəsini həyata keçiriblər.

Həmin şəxslərin ətraflarında həyata keçirilən əməliyyat-texniki tədbirlərlə və əldə olunan digər sübutlar vasitəsi ilə onların cinayətləri təkzibedilməz faktlarla sübuta yetirilib.

Baş İdarənin Cənub Bölgəsində Regional Şöbəsinin əməkdaşlarının həyata keçirdikləri əməliyyatlar zamanı da narkotik vasitələrin qanunsuz dövriyyəsi və onlayn yolla satışı ilə məşğul olan 4 nəfər saxlanılıb. Əməliyyatlar zamanı Nicat Bağırov, Məzahir Nuriyev, Ağarza Tağıyev, eləcə də Səfail Rzayev paytaxt və Lənkəran şəhəri ərazilərində tutulublar. Nicat Bağırovdan 3 kiloqram yaxın heroin, 341 qram marixuana, 158 qram metamfetamin, 17 qram həşiş, 1 ədəd elektron tərəzi, narkotik vasitələrin satışı zamanı istifadə etdiyi 1 ədəd bank kartı və içərisində narkotiklərin satışı ilə bağlı qeydlər apardığı dəftər aşkar edilib. Məzahim Nuriyevin üzərindən və idarə etdiyi avtomobildən isə 4 kiloqram 143 qram heroin, 367 qram tiryək, 1 kiloqrama yaxın metamfetamin, 300 ədəd psixotrop tərkibli metadon həbi və 1 ədəd elektron tərəzi aşkar olunub. Əməliyyatlar zamanı saxlanılan Ağarza Tağızadə və Səfail Rzayevdən isə ümumilikdə 25 qram heroin və metamfetamin aşkar edilib.

Faktlarla bağlı Cinayət Məcəlləsinin müvafiq maddələri ilə cinayət işləri başlanılıb zəruri istintaq-əməliyyat tədbirləri davam etdirilir. Sonuncu əməliyyatlar zamanı Baş İdarənin əməkdaşları tərəfindən ümumilikdə 36 kiloqrama yaxın ağır tərkibli narkotik vasitələr və psixotrop maddələr, həmçinin 300 ədəd metadon həbi dövriyyədən çıxarılıb. Saxlanılan şəxslər məhkəmələr tərəfindən tutularaq barələrində həbs qətimkan tədbirləri seçilib.скачать dle 11.3




Şahidi olduğunuz hadisələri çəkib bizə göndərin!




            897 04.10.21 16:50