Özbəkistandakı Heydər Əliyev adına Azərbaycan Mədəniyyət Mərkəzinin nəzdindəki “Azərbaycan qızları” rəqs ansamblının rəhbəri, Azərbaycan və Özbəkistanın Əməkdar artisti Kaykep Aliyeva 86 yaşında dünyasını dəyişib.

Bu barədə Oxu.Az-a Mədəniyyət Nazirliyindən məlumat verilib.

Bildirilib ki, hazırda əməkdar artistin Daşkənddə dəfn mərasimi keçirilir.

Xatırladaq ki, əslən Qarabağdan olan K.Aliyeva 50 ildən artıq Özbəkistanda Azərbaycan mədəniyyətini geniş təbliğ edib, Azərbaycan diasporunda fəal çalışıb, təşkil etdiyi dərnəklərdə yüzlərlə azərbaycanlı, özbək uşaq və yeniyetməyə milli rəqslərimizi öyrədib. O, 2007-ci ildə Azərbaycan Prezidenti İlham Əliyev tərəfindən “Əməkdar artist” fəxri adına layiq görülüb.

Özbəkistan Prezidenti Şavkat Mirziyoyevin Sərəncamı ilə 2016-cı ildə “Dostluq” ordeni ilə mükafatlandırılıb.


скачать dle 11.3