NASA agentliyi Saturnun peyklərindən biri olan Titanın incələnməsi üzrə planlaşdırılan missiyanın ilkin məlumatlarını təqdim edib. Belə ki, NASA agentliyi 2030-cu illərin ortalarında Titana Dragonfly adlı eniş modulunu göndərməyi və onun sayəsində orqanik həyat növünün axtarılmasını planlaşdırır. Alimlərin əsas məqsədləri biokimyəvi nümunələrin tapılmasıdır. Məsələ burasındadır ki, Titanın atmosferi Yer kürəsinin atmosferinə bənzəyir və onun səthində böyük miqdarda maye mövcuddur. Bu özəlliklər isə onu bizim planetə maksimal dərəcədə oxşar hala gətirirlər. Buna baxmayaraq alimlər hələ də ordakı hava şəraiti və digər ətraf mühit göstəriciləri barəsində məlumatlara sahib deyillər.
Lakin məlum olan faktlardan biri də odur ki, orda metan yağışları yağır. Alimlər öz növbələrində Saturnun peykində canlı orqanizmlərin aşkar edilməsinə ümid edirlər. Titan barəsində məlum olan faktların böyük hissəsi onun Saturn orbitindən müşahidəsi nəticəsində əldə olunub. Belə ki, Cassini adlı kosmik aparat artıq 13 ildir ki, Saturn ətrafında dövr edir. Bu isə öz növbəsində planet və onun peykləri barəsində maraqlı məlumatları verib. 2005-ci ildə Titanın müşahidəsi ilə Huygens aparatı məşğul olmuşdu. O, eniş üçün lazımi konstruksiyaya sahib olmadığından peykin yalnız atmosferində olmuşdu. Titan aşağı göstəricidə qravitasiya gücünə və daha sıx atmosferə sahib olduğu üçün onu uçuş aparatı vasitəsilə müşahidə etmək mümkün olacaq.
Şahidi olduğunuz hadisələri çəkib bizə göndərin!
Son Əlavə