Pambıq istehsalı və emalı ilə məşğul olan şirkətlər məhsul yığımı ərəfəsində pambığın alış qiymətinin artırılması barədə qərar qəbul ediblər.
Kənd Təsərrüfatı Nazirliyindən verilən məlumata əsasən, şirkətlər arasında əldə olunan razılaşmaya əsasən, pambığın növlər üzrə mövcud alış qiymətləri hər tona 50 manat olmaqla, 2021-ci ilin məhsulu üçün birinci növün qiyməti 650 manatdan 700 manata, ikinci növün qiyməti 630 manatdan 680 manata, üçüncü növün qiyməti 590 manatdan 640 manata, dördüncü növün qiyməti 550 manatdan 600 manata qaldırılıb.
Bu qərar fermerlərin məhsul istehsalına həvəsləndirilməsi üçün qəbul olunub. Pambığın hər tonunun alış qiymətinin 50 manat artırılması nəticəsində pambıq istehsalı ilə məşğul olan fermerlər xeyli əlavə qazanc əldə edəcəklər.
Qeyd edək ki, təhvil verilən pambığın hər tonuna görə fermerlərə 100 manat subsidiya ödənilir. Bundan başqa, fermerlər pambq əkdikləri sahənin hər hektarına görə 260 manat əkin subsidiyası alırlar.
Şahidi olduğunuz hadisələri çəkib bizə göndərin!
Son Əlavə