İraqda güclü patlayış - Çox sayda ölən var

İraqın Salahaddin vilayətindəki silah anbarında baş verən partlayışda təhlükəsizlik qüvvələrinin 9 əməkdaşı ölüb.

Median.Az “Anadolu”ya istinadən xəbər verir ki, hadisə Salahaddin vilayətindəki Beyci qəsəbəsində partlayıcı maddələrin məhv edilməsi zamanı baş verib.

Bildirilir ki, İraq təhlükəsizlik qüvvələri 2014-2017-ci illərdə İŞİD terrorçularına qarşı apardığı mübarizədə çox sayda partlayıcı maddə ələ keçirib. Ələ keçirilən partlayıcı maddələr yararsız anbarlarda saxlanılır və yayda istilik 50 dərəcəni keçdikdə belə anbarlarda partlayışlar baş verə bilir.