ÜST “Delta ştammı”nın olduğu ölkələrin sayını açıqladı

Koronavirusun “Delta ştammı” dünyanın ən azı 96 ölkəsində var.

Bunu Ümumdünya Səhiyyə Təşkilatının (ÜST) baş direktoru Tedros Adhanom Qebreyesus quruma üzv ölkələr üçün keçirdiyi brifinqdə deyib.

Bildirib ki, koronavirusun ən yoluxucu variantı olan Hindistan ştammı peyvənd edilməmiş əhali arasında sürətlə yayılır:

“Bəzi ölkələr pandemiya ilə əlaqədar tədbirləri yumşaldır. Koronavirus yoluxmalarında artım müşahidə olunur ki, bu da səhiyyə sistemində yüklənməni artırır”

ÜST rəhbərinin sözlərinə görə, yoluxmaların qarşısını almaqla yeni variantların ortaya çıxmasına mane oluna bilər.