Azərbaycanın 20 vətəndaşı Suriyadan ölkəyə gətirilib - RƏSMİ » Median.Az - Bütün xəbərlər bir ünvanda
19:45 Qubernator Trampı məhkəmə ilə hədələyir  |     19:36 Bu həftə Yer sakinləri “Çiyələk Ay”ı müşahidə edə biləcəklər  |     19:29 Suriya Əsəd rejiminin devrilməsindən sonra 16 milyard dollar investisiya cəlb edib  |     19:21 Tramp etirazlara görə dəniz piyadalarını Los-Ancelesə göndərməyə hazırdır  |     19:15 ABŞ-də sərnişin təyyarəsi qəzaya uğrayıb, xəsarət alanlar var  |     19:08 Gəncədə ictimai nəqliyyatda çalışmaq istəyən sürücülərin qiymətləndirilməsi aparılır  |     18:59 Keniya Prezidenti Kamran Əliyevi qəbul edib  |     18:38 Xanım direktor təqaüdə göndərildi - Yerinə polkovnik təyin edildi (FOTO)  |     17:46 Yollarda görünüş məsafəsi 1000 metrədək məhdudlaşacaq  |     17:38 Müştərisinə qarşı dələduzluq edən taksi sürücüsünə HÖKM OXUNDU  |     16:58 İyunun 30-dan Rusiyaya giriş qaydaları dəyişir  |     16:55 18 yaşlı əsgərin ölməsi faktı üzrə CİNAYƏT İŞİ BAŞLANILDI  |     16:33 Rusiya və Ukrayna arasında hərbi əsir mübadiləsi olub  |     15:52 Salyanda qızı qaçıranlar onun atasının başını yardılar  |     15:22 Şəmkirdə 29 yaşlı oğlanı elektrik cərəyanı vurub  |     14:40 Malayziyada dəhşətli qəza: Xeyli sayda tələbə həlak oldu  |     13:58 NBA final seriyasında ümumi hesab bərabərləşdi  |     12:56 Sabah bu ərazilərə yağış yağacaq  |     12:47 Volodimir Zelenski: "Biz Vladimir Putini Donald Trampdan daha yaxşı tanıyırıq"  |     12:22 Həftəsonu xeyli sayda silah-sursat aşkarlanıb  |    

Azərbaycanın 20 vətəndaşı Suriyadan ölkəyə gətirilib - RƏSMİ

Mayın 27-də Suriya Ərəb Respublikasının Cerabus şəhərindəki Amerna düşərgəsində saxlanılan 6 nəfəri qadın və 14 nəfəri uşaq olmaqla, 20 nəfər Azərbaycan Respublikası vətəndaşının vətənə repatriasiyası həyata keçirilib.

XİN-dən verilən məlumata görə, həmin şəxslərin ölkəmizə gətirilməsi Azərbaycan hökuməti tərəfindən görülmüş mərhələli tədbirlər nəticəsində baş tutub.

Belə ki, ilk öncə vətənə repatriasiyası nəzərdə tutulan qadın və azyaşlı uşaqların yeri müəyyən edilib, onların şəxsiyyəti və Azərbaycan Respublikasının vətəndaşlığına mənsubiyyəti dəqiqləşdirilib. Daha sonra İraq və Suriyadan AR vətəndaşlarının repatriasiyasına məsul işçi qrupa daxil olan aidiyyəti dövlət qurumlarının nümayəndələri Türkiyə Respublikasına ezam edilmişlər.

Türkiyə Respublikasının müvafiq dövlət qurumları ilə aparılmış müştərək fəaliyyət nəticəsində cari ilin 25 may tarixində Suriyada olan sözügedən vətəndaşlarımızın Türkiyə Respublikasına sərhəd keçidi təmin edilib.

Türkiyə Respublikasına ezam edilmiş nümayəndə heyəti tərəfindən 2021-ci ilin 26 may tarixində qadın və uşaqların ilkin tibbi və psixolojı müayinəsi keçirilib və onlara zəruri yardım göstərilib. Bundan sonra Azərbaycan Respublikasının Türkiyə Respublikasındakı Səfirliyi tərəfindən vətəndaşlarımızın ölkəyə qayıtması üçün onlara “Azərbaycan Respublikasına qayıdış şəhadətnamə”ləri rəsmiləşdirilib və onlar Azərbaycana uçuş biletləri ilə təmin ediliblər.

Cari ilin 27 may tarixində Türkiyə Respublikasının miqrasiya xidməti rəsmilərinin və Azərbaycan Respublikası nümayəndə heyətinin müşayiəti ilə yuxarı qeyd olunan vətəndaşların İstanbul-Bakı reysi ilə Azərbaycan Respublikasına repatriasiyası təmin edilib.

Azərbaycan Respublikasının hökuməti tərəfindən müvafiq şəxslərin reinteqrasiyası və reabilitasiyası üçün bütün lazımi tədbirlərin görülməsi nəzərdə tutulub.

Repatriasiyanın həyata keçirilməsində Azərbaycan Respublikasının aidiyyəti dövlət qurumlarının birgə və əlaqələndirilmiş fəaliyyəti həyata keçirilib. Bu prosesin reallaşmasında Türkiyə Respublikası tərəfindən göstərilmiş yardım xüsusilə qeyd olunmalıdır.

Azərbaycan Respublikasının Hökuməti milli qanunvericiliyə və ölkəmizin tərəfdar çıxdığı beynəlxalq müqavilələrə uyğun olaraq öz vətəndaşlarının hüquq və azadlıqlarının qorunması istiqamətində zəruri tədbirlərin görülməsini davam etdirəcəkdir.скачать dle 11.3




Şahidi olduğunuz hadisələri çəkib bizə göndərin!




            1 062 27.05.21 21:00