Agentlik təcili tibbi yardım həkimlərinin etirazlarına münasibət bildirdi » Median.Az - Bütün xəbərlər bir ünvanda
16:12 Rusiya daha 1200 ukraynalı hərbçinin meyitini Kiyevə təhvil verdi  |     15:44 İranda daha üç nüvə alimi öldürülüb  |     15:38 AZAL bəzi reysləri LƏĞV ETDİ  |     15:23 İsrailin öldürdüyü iranlı nüvə alimlərinin SİYAHISI  |     15:22 Prezidentin köməkçisi: Qafqazdakı yeni status-kvo beynəlxalq hüquqa əsaslanır  |     14:58 Xamenei İsrailə hücumdan bir saat əvvəl iclas keçirib  |     14:45 Rusiya Azərbaycana təşəkkür etdi  |     14:43 Naxçıvanda dönərxananın fəaliyyəti məhdudlaşdırıldı  |     14:42 İsrailin zərbələri İranın uran zənginləşdirmə zavoduna zərər yetirib  |     14:40 Sabahdan Qazaxa ilk dəfə sürətli qatarlarla sərnişindaşımaya başlanılır  |     14:38 Bayram gününün havası AÇIQLANDI  |     14:36 Xankəndidə 37 ildən sonra "Son zəng" çalındı  |     14:35 İsrailin hücumu nəticəsində İranın Şəhid Çamran şəhərində bina çöküb: 60 nəfər ölüb - FOTO  |     14:19 70 mindən çox müəllim əməkhaqqısını diffensial qaydada artımla alacaq  |     14:18 İranın ballistik raketlərinin hissələri İordaniya və Suriya ərazisinə düşüb  |     14:16 İran-İsrail münaqişəsində ƏN QORXULU SSENARİ açıqlandı  |     14:15 Bakıda bütün ictimai çimərliklər 15 iyundan başlayacaq mövsümə tam hazır vəziyyətdədir  |     14:10 Rusiya vətəndaşlarından ibarət qrup Azərbaycana təxliyə edilir - FOTO / VİDEO  |     14:06 Bakıda dənizdə batmaq təhlükəsi olan 26 yaşlı kişi xilas edilib - VİDEO  |     14:03 Tanınmış tarzən vəfat etdi - FOTO  |    

Agentlik təcili tibbi yardım həkimlərinin etirazlarına münasibət bildirdi

İcbari Tibbi Sığorta üzrə Dövlət Agentliyi Bakı şəhəri Təcili və Təxirəsalınmaz Tibbi Yardım Stansiyasının Binəqədi rayon 9 saylı köməkçi yardım stansiyasının işçilərinin əməkhaqlarına edilməli olan əlavələri ala bilməməsi ilə bağlı məsələyə münasibət bildirib.

Agentlikdən verilən məlumata görə, Bakı Şəhər Təcili və Təxirəsalınmaz Tibbi Yardım Stansiyası tərəfindən agentliyə təqdim edilən yeni növ koronavirus infeksiyası ilə mübarizə tədbirlərində iştirak edən tibb və qeyri-tibb işçilərinin siyahısına, iş vaxtı tabellərinə, ilkin mühasibatlıq cədvəllərinə əsasən cari ilin fevral ayı üzrə iş vaxtına/saatına mütənasib olaraq 1 542 nəfərə 259 072 manat müddətli əlavə ödənilib.

İcbari Tibbi Sığorta üzrə Dövlət Agentliyinin MƏLUMATI

“Yeni növ koronavirus (COVID-19) infeksiyası ilə mübarizə tədbirlərində iştirak edən tibb işçilərinin sosial müdafiəsinin gücləndirilməsi haqqında” Azərbaycan Respublikasının Prezidenti 18 mart 2020-ci il 1947 nömrəli Sərəncam imzalayıb. Sərəncamda qeyd olunur ki, Azərbaycan Respublikasının Nazirlər Kabineti:

bu sərəncamın 1-ci hissəsi ilə müəyyən edilən müddətli əlavənin şamil olunacağı tibb işçilərinin əhatə dairəsini, əlavənin ödənilmə müddətini və işin xüsusiyyətindən asılı olaraq miqdarını müəyyən etsin

yeni növ koronavirus (COVID-19) infeksiyası ilə mübarizə tədbirlərinə cəlb edilən özəl tibb müəssisələrində çalışan tibb işçilərinin və könüllülərin əməyinin ödənilməsi şərtlərini müəyyən etsin

sərəncamdan irəli gələn digər məsələləri həll etsin.

Azərbaycan Respublikası Nazirlər Kabineti sözügedən Sərəncama uyğun olaraq 25 mart 2020-ci il tarixində 112 nömrəli Qərar imzalayıb. Qərarda yeni növ koronavirus (COVID-19) infeksiyası ilə əlaqəli əmək şəraitinə görə dövlət tibb müəssisələrində çalışan işçilərin əməkhaqlarına müddətli əlavənin məbləği belə müəyyən edilir:

tibbi profilaktik tədbirləri həyata keçirən işçilərə - aylıq vəzifə (tarif) maaşının 3 misli məbləğində;
təcili tibbi yardım xidməti göstərən tibb işçilərinə, həmçinin bioloji materialın müayinəsi ilə məşğul olan laboratoriya işçilərinə, o cümlədən Məhkəmə Tibbi Ekspertiza və Patoloji Anatomiya Birliyinin və Azərbaycan Qida Təhlükəsizliyi İnstitutunun işçilərinə - aylıq vəzifə (tarif) maaşının 4 misli məbləğində;

pasiyentlərə stasionar tibbi xidmət göstərən işçilərə - aylıq vəzifə (tarif) maaşının 5 misli məbləğində.

Qərarda bildirilir ki, müddətli əlavə iş vaxtına mütənasib olaraq ödənilir.

Sözügedən Sərəncam və Qərara uyğun olaraq İcbari Tibbi Sığorta üzrə Dövlət Agentliyi 2020-ci il ərzində bütün tibb müəssisələrində yeni növ koronavirus infeksiyası ilə mübarizə tədbirlərində iştirak edən tibb və qeyri-tibb işçilərinə, həmçinin könüllülərə 169.4 milyon manat müddətli əlavə və mükafat ödəyib.

Bütün tibb və qeyri-tibb işçilərinə xəstəxanaların rəhbərliyi və agentlik tərəfindən sərəncam və ondan irəli gələn qərarın mahiyyəti, ödənişin hesablanması qaydası barədə müfəssəl məlumat verilib. Nazirlər Kabinetinin qərarı ilə bağlı verilən suallar dəfələrlə agentlik tərəfindən cavablandırılıb.

Məlumat üçün bildirək ki, fevral ayı ərzində ölkədə koronavirusa yoluxma sayı digər aylara nisbətən çox aşağı olmuşdur. Bu da təbii olaraq tibb və qeyri-tibb işçilərinin işə cəlb olunma günlərinə və saatlarına təsir edib.

Qeyd edək ki, Bakı Şəhər Təcili və Təxirəsalınmaz Tibbi Yardım Stansiyası tərəfindən agentliyə təqdim edilən yeni növ koronavirus infeksiyası ilə mübarizə tədbirlərində iştirak edən tibb və qeyri-tibb işçilərinin siyahısına, iş vaxtı tabellərinə, ilkin mühasibatlıq cədvəllərinə əsasən cari ilin fevral ayı üzrə iş vaxtına/saatına mütənasib olaraq 1 542 nəfərə 259 072 manat müddətli əlavə ödənilib.

Ay ərzində iş günlərinə/saatlarına mütənasib olaraq müddətli əlavələr bu qaydada hesablanır: müddətli əlavə = (Vahid Tarif Cədvəli üzrə tarif maaşı / aylıq iş günlərinin sayı və ya iş saatları) x işçinin çalışdığı günlərin sayı x müddətli əlavənin misli.

Nümunə ilə izah edək: Təcili və təxirəsalınmaz tibbi yardımda çalışan təcili tibbi yardım həkiminin 15-ci dərəcə üzrə aylıq vəzifə (tarif) maaşı 440 manatdır. Həkim koronavirus infeksiyası ilə mübarizə tədbirləri üzrə 120 saat işə cəlb olunubsa, deməli 1 353 manat 85 qəpik müddətli əlavə almalıdır. 1 353.85 = ((440 / 156) x 120) x 4. Qeyd edək ki, yekun məbləğdən işçi tərəfindən ödənilməli olan əməkhaqqına dair bütün tutulmalar hesablanır.

Məlumat üçün bildirək ki, xəstəliklə mübarizəyə cəlb olunan tibb işçilərinin sağlamlığının qorunması məqsədilə onlar bütün zəruri fərdi qoruyucu vasitələrlə təmin olunub və Vaksinasiya Strategiyasına uyğun olaraq ilkin mərhələdə bütün tibb heyəti COVID-19 xəstəliyi əleyhinə peyvənd olunub.скачать dle 11.3




Şahidi olduğunuz hadisələri çəkib bizə göndərin!




            777 07.05.21 16:25