Abşeronda MTK direktoru ilə bağlı cinayət işi açıldı - RƏSMİ » Median.Az - Bütün xəbərlər bir ünvanda
22:34 Avtobus zolaqlarına giriş-çıxışa icazə verilir (VİDEO)  |     22:20 Qarabağda Ermənistan istehsalı minalar basdırılıb - Etiraf  |     21:59 Elvin Hüseynov ölkəni tərk edibmiş - RƏSMİ  |     21:46 Attestata görə pul yığan sinif rəhbərinə xəbərdarlıq edildi  |     21:30 "Wikipedia" redaktorları süni intellektə üsyan edir  |     21:24 İki ayda səkkiz nəfər qarpızdan zəhərləndi (RƏSMİ)  |     21:17 QUR "Rusiya günü"ndə Sibirin ən böyük provayderlərindən birini çökdürdü  |     21:12 Bahalı avtomobil nömrəsi almaq adı ilə iş adamının 106 min manatını mənimsədi  |     21:05 Bakıdakı məşhur kafe 3 milyona satışa çıxarıldı (FOTO)  |     20:59 Tibb məntəqəsinin müdiri dələduzluğa görə cərimə edildi  |     20:59 Sabah 37 dərəcə isti olacaq  |     20:53 Metroda azyaşlıya qarşı qeyri-etik hərəkət - Həbs olundu  |     20:45 Bakıda rejissor 60 yaşlı sürücünün burnunu sındırdı, həbs edildi - 202 minlik iddia  |     20:40 Alim Qasımov rep deməsinə görə onu tənqid edənlərə belə cavab verdi (VİDEO)  |     20:32 Günəşin cənub qütbü ilk dəfə görüntüləndi  |     20:26 Bir kiloqramı 450 manata yerli çay - VİDEO  |     20:21 Azərbaycana 8 milyondan çox həşərat gətirildi: Əsas səbəb nədir?  |     20:15 Azərbaycanda daha 12 nəqliyyat vasitəsi hərraca çıxarılacaq  |     20:06 Azərbaycan XİN xarici diplomatları ölkənin xarici siyasət prioritetləri haqqında məlumatlandırıb  |     20:01 Ötən il Azərbaycanda xərçəngdən ölənlərin sayı açıqlanıb - RƏSMİ  |    

Abşeronda MTK direktoru ilə bağlı cinayət işi açıldı - RƏSMİ

Abşeron rayonu, Xırdalan şəhəri, M.Ə.Rəsulzadə küçəsi 1 ünvanında tikinti işlərinin aparılması üçün hasara alınmış ərazidə ağacların qanunsuz kəsilməsi ilə bağlı Ekologiya və Təbii Sərvətlər Nazirliyindən (ETSN) daxil olmuş material üzrə Baş Prokurorluğun Cinayət təqibindən kənar icraatlar idarəsində araşdırma aparılıb.

Baş Prokurorluqdan verilən məlumata görə, aparılan araşdırmalarla həmin ərazidə tikinti işləri aparan “Proqress-2016” MTK-nın direktoru Emil Səməndərovun qulluq mövqeyindən və vəzifə səlahiyyətlərindən sui-istifadə edərək, tikinti aparılması üçün əlverişli şərait yaratmaq məqsədilə qeyd edilən ünvanda yerləşən torpaq sahəsində mövcud olan, meşə fonduna daxil olmayan 12 ədəd ağacın qanunsuz kəsilməsinə göstəriş verməsi nəticəsində dövlətin qanunla qorunan mənafelərinə ümumilikdə 9 800 manat məbləğində ziyan vurmasına əsaslı şübhələr müəyyən edilib.

Faktla bağlı Azərbaycan Respublikası Baş Prokurorluğu tərəfindən Cinayət Məcəlləsinin 259.2.4 (qanunsuz ağac kəsmə külli miqdarda ziyan vurmaqla törədildikdə) və 308.1-ci (vəzifə səlahiyyətlərindən sui-istifadə) maddələri ilə cinayət işi başlanaraq ibtidai istintaqın aparılması Baş Prokuror yanında Korrupsiyaya Qarşı Mübarizə Baş İdarəsinə həvalə edilib.

Hazırda cinayət işi üzrə zəruri istintaq hərəkətləri davam etdirilir.скачать dle 11.3




Şahidi olduğunuz hadisələri çəkib bizə göndərin!




            1 230 29.04.21 14:01