Hindistanda koronavirusa qarşı peyvənd kampaniyasına 18 yaşdan yuxarı hər kəsin daxil edilməsinə qərar verilib.
Hindistan Səhiyyə Nazirliyinin açıqlamasına görə, Baş nazir Narendra Modinin rəhbərliyi ilə keçirilən iclasda koronavirusun ikinci dalğası ilə mübarizə üçün atılacaq addımları özündə cəmləşdirən “Milli COVID-19 Strategiyası” təyin edilib.
Buna əsasən, 18 yaşdan yuxarı hər kəsə 1 may tarixindən etibarən koronavirus peyvəndi vurulacaq.
Qeyd edək ki, Hindistanda 16 yanvarda başladılan peyvənd kampaniyası əvvəlcə səhiyyə işçilərini, daha sonra 45 yaşdan yuxarı şəxsləri əhatə edib.
Hindistan ABŞ və Çindən sonra dünyada əhalisi ən çox peyvənd edilən üçüncü ölkə hesab edilir.
Şahidi olduğunuz hadisələri çəkib bizə göndərin!
Son Əlavə