“Qarabağ Xronikası”, XXIII buraxılış: Bakı cavab gözləyir... - VİDEO

Baku TV-nin hərbi müxbiri Fərdin İsazadə “Qarabağ Xronikası” proqramının XXIII buraxılışında Rusiya tərəfindən “İskəndər-M” operativ-taktiki raket komplekslərinin Ermənistana verilməsinin yeni mümkün faktlarını təqdim edib.

O, Rusiyanın “Kommersant” qəzetinin 8 oktyabr 2018-ci il tarixli “Nikol Paşinyan Kremlin hüzuruna çıxacaq” başlıqlı məqaləsinə diqqət çəkir. Yazıda 2016-cı ildə Rusiyanın Ermənistana 9M723 raketləri olan “İskəndər-M” sisteminin verildiyi qeyd olunur.

“Rusiyanın hərbi rəhbərliyi “İskəndər-M” komplekslərini İrəvana təslim edərək, Ermənistanla münasibətlərdə qeyri-ardıcıl və situativ yanaşmaya üstünlük verib.

Yəni, Ermənistanın üzərindəki təsiri qorumaq üçün yalnız Azərbaycanla tərəfdaşlıq münasibətləri deyil, eyni zamanda bütün bölgənin təhlükəsizliyi gözardı edilib”, -deyə jurnalist qeyd edib.