2021-ci ildə sambo üzrə beynəlxalq yarışların təqvimi hazırlanıb.
Oxu.Az xəbər verir ki, ilk yarış 23-24 yanvarda Rumıniyada keçiriləcək. Lakin Avropa Kuboku turnirinin hansı şəhərdə keçiriləcəyinə hələ qərar verilməyib.
Daha sonra Rusiyanın paytaxtı Moskvada “A.Xaralampiyev Memorial” Dünya Kuboku (25-26 mart) keçiriləcək.
Azərbaycan idmançılarının yarışacağı üçüncü matç isə Kiprin Limassol şəhərində baş tutacaq. Bu dəfə yeniyetmə və gənclərin Avropa çempionatı (16-18 aprel) baş tutacaq.
İtaliyanın Linyano Sabbyadoro şəhərində böyüklərin Avropa çempionatı keçiriləcək. Bu yarış 18-20 may tarixlərinə nəzərdə tutulub. Kadetlərin (məktəb yaşları) Avropa çempionatı isə 26-27 iyun tarixlərində Niderlandın Dalfsen şəhərində keçiriləcək.
Qeyd edək ki, sambo üzrə millimiz pandemiyadan sonra heç bir yarışda iştirak edə bilməyib. Baxmayaraq ki, pandemiya dövründə dünya çempionatı və Dünya Kuboku yarışları keçirilib.
Şahidi olduğunuz hadisələri çəkib bizə göndərin!
Son Əlavə