Koronavirus pandemiyası 1 il davam edə bilər.
Median.Az xəbər verir ki, bu sözləri İranın Səhiyyə nazirinin müavini İrəç Hərirçi deyib.
"Hamshahrionline" saytının məlumatına görə, nazir müavini COVID-19 xəstəliyinə qarşı effektiv dərmanın tezliklə tapılmayacağı qənaətindədir: "Dərmanın tapılması və xalqa təqdim edilməsi ən az 2 il vaxt tələb edir. Tapılsa belə, 80 milyona kifayət edəcək qədər sayda dərman istehsalı qısa müddətdə istehsal edilə bilməz".
COVID-19 pandemiyası baxımından ölkədəki 10 əyalətin yüksək riskli bölgə olduğunu qeyd edən Hərirçi yoluxmanın stabil şəkildə davam etməsinin insanların sosial davranışlarına bağlı olduğunu vurğulayıb.
Son rəqəmlərə görə, İranda 197 min 647 nəfər koronavirusa yoluxub, 9 min 272 nəfər ölüb. (publika.az)
Şahidi olduğunuz hadisələri çəkib bizə göndərin!
Son Əlavə