Güclü yağış Bakının bu ərazisində çətinliklər yaratdı - VİDEO

Gecə saatlarında yağan yağış Binəqədi rayonunda yolları bərbad hala salıb.

Bu barədə sosial şəbəkədə vətəndaşlar tərəfindən məlumat paylaşılıb. Vətəndaşlar yağışdan sonra Binəqədi şosesində qrunt sularının nəqliyyatın hərəkətinə mane olduğunu bildiriblər.

Məsələ ilə bağlı Binəqədi Rayon İcra Hakimiyyəti ilə əlaqə saxladıq. İcra Hakimiyyətindən verilən məlumata görə, sözügedən problemlə bağlı tədbir görülüb:“Ötən gün yağışlı hava şəraiti səbəbindən Binəqədi rayonu istiqamətində avtomobil yollarında qısamüddətli problem yaşanıb. Məsələ ilə bağlı tərəfimizdən “Azərsu” ASC-nin Binəqədi Rayon Su Kanal İdarəsinə məlumat verilib. İdarədən müvafiq şöbənin əməkdaşları əraziyə göndərilib. Məlum olub ki, problemə səbəb yollarda yağış suları üçün qoyulan su ötürücülərinin tıxanmasıdır.İdarədən bizə verilən son məlumata görə, sözügedən ərazilərdə qrunt suları tamamilə təmizlənib. Hazırda həmin yolda heç bir gölməçə yoxdur”.Xatırladaq ki, problemi əks etdirən videogörüntülər sosial şəbəkədə paylaşılıb.скачать dle 11.3

Şahidi olduğunuz hadisələri çəkib bizə göndərin!