Oğuzda gəlin 73 yaşlı qayınatasına xəsarət yetirib.

Report-un məlumatına görə, bu gün səhər saatlarında Oğuz Rayon Mərkəzi Xəstəxanasına müxtəlif dərəcəli bədən xəsarətləri ilə şəhərin Şıxəli Qurbanov küçəsində yaşayan - 1947-ci il təvəllüdlü İsgəndər Ağayev daxil olub.

Müayinə zamanı yaşlı kişiyə başın digər nahiyələrinin açıq yaraları və əlin sıyrıqları diaqnozu qoyulub.

Araşdırma zamanı İ.Ağayev bildirib ki, ailə münaqişəsi zamanı gəlini tərəfindən döyülüb.

Faktla bağlı araşdırma aparılır.скачать dle 11.3