Kürün sahilində yeyib-içmək məclisi təşkil edən 19 nəfər saxlandı - FOTO/VİDEO
Ölkə ərazisində xüsusi karantin rejiminin elan olunmasına baxmayaraq, bəzi şəxslər tərəfindən nizam-intizamın pozulması hallarına rast gəlinməkdədir.
Daxili İşlər Nazirliyinin Mətbuat Xidmətindən verilən məlumata görə, Zərdab rayonu Aşağı Seyidlər kəndində “Seyidlər bağı” adlanan ərazidə, Kür çayının sahilində bir qrup şəxs toplaşaraq, yeyib-içmək məclisi təşkil edib və xüsusi karantin qaydalarını kobudcasına pozublar. Daha sonra həmin şəxslər təşkil etdikləri məclisin videogörüntülərini çəkərək, sosial şəbəkələrdə paylaşıblar.
Məlumat daxil olan kimi Zərdab Rayon Polis Şöbəsinin əməkdaşları tərəfindən həmin məclisdə iştirak edən və karantin qaydalarını pozan 19 nəfər saxlanılıb. Onlardan ikisi, məclisin təşkilatçıları olan rayon sakinləri Rza Alxasov və Sabiq Nəbiyev rayon məhkəməsinin qərarı ilə 10 sutka inzibati qaydada həbs edilib. Digərləri barəsində isə İnzibati Xətalar Məcəlləsinin 211-ci maddəsi ilə tədbir görülərək, 100 manat miqdarında cərimə təyin olunub.
Daxili İşlər Nazirliyinin Mətbuat Xidmətindən verilən məlumata görə, Zərdab rayonu Aşağı Seyidlər kəndində “Seyidlər bağı” adlanan ərazidə, Kür çayının sahilində bir qrup şəxs toplaşaraq, yeyib-içmək məclisi təşkil edib və xüsusi karantin qaydalarını kobudcasına pozublar. Daha sonra həmin şəxslər təşkil etdikləri məclisin videogörüntülərini çəkərək, sosial şəbəkələrdə paylaşıblar.
