Astara rayonunda sərxoş halda karantin qaydalarını pozan sürücü və oğlu saxlanılıb.
Bununla bağlı Daxili İşlər Nazirliyinin Mətbuat Xidmətinin Lənkəran regional qrupu məlumat yayıb.
Bildirilib ki, Astara Rayon Polis Şöbəsinin əməkdaşları sərxoş halda avtomobil idarə edən və karantin qaydalarını pozan şəxsi saxlayıblar.
Belə ki, Astara şəhər sakini Yaşar Mustafayev idarə etdiyi “VAZ 2115” markalı avtomobillə saxlanılıb və onun spirtli içkinin təsiri altında sükan arxasında olduğu, həmçinin, karantin qaydalarını pozduğu müəyyənləşib.
Avtomobildə sərnişin qismində olan oğlu Elçin Mustafazadənin də müvafiq qaydada heç bir icazə almadan şəhərə çıxdığı və karantin qaydalarını pozduğu məlum olub.
Hər iki şəxs barəsində İnzibati Xətalar Məcəlləsinin müvafiq maddəsi ilə protokol tərtib edilib və onlar inzibati qaydada həbs olunublar.
Şahidi olduğunuz hadisələri çəkib bizə göndərin!
Son Əlavə