Yanvarın 8-də İranın İraqdakı ABŞ bazalarına hücumu zamanı 109 hərbçi kəllə-beyin travması alıb.
Bu barədə TASS məlumat yayıb.
Pentaqondan bildirilib ki, onlardan 76-sı artıq xidmətə qayıdıb.
Bir müddət əvvəl isə ABŞ Prezidenti Donald Tramp bəyan etmişdi ki, hücum zamanı ölən və yaralanan olmayıb.
Sonradan ABŞ Müdafiə Nazirliyinin nümayəndəsi general-polkovnik Tomas Kembell 50 hərbçinin kəllə-beyin travması aldığını bəyan etmişdi. Yanvarın sonunda isə KİV-də 64 yaralı olduğu barədə məlumat yayılmışdı.
Xatırladaq ki, sözügedən hücum Bağdadda ABŞ ordusunun həyata keçirdiyi aviazərbələr nəticəsində iranlı general Qasim Süleymaninin öldürülməsinə cavab idi.
Şahidi olduğunuz hadisələri çəkib bizə göndərin!
Son Əlavə