Son illər paytaxtda 15-20-25 və daha artıq mərtəbədən ibarət olan göydələnlər tikilir. Bəs bu tikililər tikilərkən, şəhərin geoloji quruluşu, küləklər şəhəri olması, seysmik cəhətdən fəal zonada yerləşməsi və digər amillər nəzərə alınır?

Mövzu ilə bağlı ARB TV-nin “Günə Doğru” proqramında geniş süjet yayımlanıb.

Hər bir bina tikiləndə əsas üç amil nəzərə alınmalıdır. Birinci binanın dayanıqlılığı, ikinci onun daşıdığı funksiya və nəhayət, üçüncü amil isə binanın estetik görünüşüdür. Amma son illərdə tikilən bəzi binalarda sonuncu amilin, yəni estetik görünüşün əsas götürüldüyünün, vacib amillərin isə arxa plana keçməsinin şahidi oluruq.

Coğrafiya İnstitutunun direktor müavini Məhərrəm Həsənov bildirib ki, şəhərsalma, arxitektura məsələlərində coğrafi xüsusiyyətlər, iqlim xüsusiyyətləri nəzərə alınmalıdır:

“Təkcə Bakı yox, Azərbaycan özü seysmik cəhətdən fəal olan ərazidə yerləşir. Bu, nəzərə alınmalıdır. Həmçinin, landşaft xüsusiyətləri də nəzərə alınmalıdır”.

Göydələnlərin böyük şəhərlərin əsas atributuna çevrildiyini deyən ekspertlərin sözlərinə görə, hər bir binanın konstruksiyası nəzəri cəhətdən zəlzələyə və digər təbiət hadisələrinə davamlı olmalıdır.

Memar Aslan Xəlilov isə xatırladıb ki, göydələnlərin ilk materialı kərpic və palçıqdan olub:

“Müasir dövrdə isə dəmir beton konstruksiyalardan istifadə olunur. O tikili konstruksiya elə qurulmalıdır ki, küləyin səmtinə əks istiqamətdə olsun. Onun yerləşdiyi ərazidə sürüşmə meyarlarına da baxmaq lazımdır”.
скачать dle 11.3