Hacıbala Abutalıbovun verdiyi sərəncam ləğv olundu » Median.Az - Bütün xəbərlər bir ünvanda
19:55 Ukrayna ordusu Rusiyanın bir sıra mühüm obyektlərinə zərbə endirib  |     19:48 DİM: Universitetlərə yerləşdirmənin nəticələri gələn həftə elan olunacaq  |     19:40 Azərbaycanda qadınlar üçün bərabər maaş və məşğulluq imkanları yaradılacaq  |     19:35 Paşinyan: Ermənistan-ABŞ şirkəti Sünikdən keçən yolu idarə edəcək  |     19:26 Sabaha külək güclənəcək - PROQNOZ  |     19:21 TANAP ilə Türkiyə və Avropaya nəql edilən Azərbaycan qazının həcmi açıqlanıb  |     19:13 Myanmada 5,4 maqnitudalı zəlzələ olub  |     19:06 Hövsanda 31 yaşlı kişinin öldürülməsi ilə bağlı cinayət işi başlanılıb  |     19:00 Avropada təbii qazın qiyməti artıb  |     18:52 Maskın "Grok" çat-botu yüz minlərlə istifadəçi söhbətini internetə sızdırıb  |     18:47 Dünyaca məşhur hakim Frenk Kaprio vəfat edib  |     18:39 Bakı və rayonlarda güclü külək əsir - FAKTİKİ HAVA  |     18:31 Siyəzəndə zəlzələ olub  |     18:24 Bakının hansı küçələrində sıxlıq var?  |     18:14 Direktor təyin edilmək istədi, 20 min manat ZİYANA DÜŞDÜ  |     17:55 Günəşdə ardıcıl üçüncü güclü partlayış qeydə alınıb  |     17:40 Bakıda güclü YANĞIN - Məktəbin stadionu alovlandı (Video)  |     17:26 Ağdamda 26 yaşlı qız itkin düşdü  |     17:25 Ərdoğanla Makron arasında telefon danışığı baş tutub  |     17:13 "Delta Telekom"a qarşı DDoS tipli genişmiqyaslı kiberhücum həyata keçirilib  |    

Hacıbala Abutalıbovun verdiyi sərəncam ləğv olundu

Bakı Şəhər İcra Hakimiyyəti Nəsimi rayonu 54 nömrəli tam orta məktəbin yaxınlığında aparılan tikinti işlərinın dayandırılması ilə bağlı məlumat yayıb.

Bir neçə gün əvvəl müxtəlif kütləvi informasiya vasitələrində Nəsimi rayonundakı Abdulla Şaiq adına 54 nömrəli tam orta məktəbə yaxın ərazidə yüksək mərtəbəli yaşayış binasının tikintisinin aparılması ilə bağlı məlumat yayımlanıb.

Məsələ ilə bağlı Təhsil Nazirliyi müvafiq tədbirlər görülməsi üçün Bakı Şəhər İcra Hakimiyyətinə məktubla müraciət edib. Bununla əlaqədar olaraq dərhal Bakı Şəhər İcra Hakimiyyəti və Dövlət Şəhərsalma və Arxitektura Komitəsinin məsul nümayəndələrindən ibarət Komissiya yaradılıb və Komissiya üzvləri həmin məktəbdə olaraq məsələ üzrə ətraflı araşdırma aparıblar.

Müəyyən edilib ki, Nəsimi rayonu, Asif Məhərrəmov küçəsində yerləşən torpaq sahəsi 2008-ci ildə Bakı Metropoliteninə verilib, sonradan isə həmin ərazi vətəndaş Azər Əkbərov və Asif Əsədova çoxmərtəbəli yaşayış binasının tikintisinin layihələndirilməsi məqsədi ilə ayrılıb.

Araşdırma zamanı məlum olub ki, hər iki halda ərazinin ayrılması Əmlak Məsələləri Dövlət Komitəsinin və digər aidiyyəti tərəflərin rəyi alınmadan həyata keçirilib.

Bunu, tikinti işlərinin məktəbə çox yaxın yerdə aparıldığını və ictimai maraqları əsas tutaraq, Nəsimi rayonu, Asif Məhərrəmov küçəsi, 40 ünvanında çoxmərtəbəli yaşayış binasının tikintisinin layihələndirilməsi məqsədi ilə Bakı Şəhər İcra Hakimiyyətinin keçmiş rəhbərliyi tərəfindən verilmiş Sərəncam ləğv edilib.

Hazırda Bakı Şəhər İcra Hakimiyyətində Təhsil Nazirliyinin müraciəti nəzərə alınaraq sözügedən torpaq sahəsinin məktəbə verilməsi məsələsinə baxılır.

Qeyd edək ki, Bakı Şəhər İcra Hakimiyyətinin əvvəlki başçısı Hacıbala Abutalıbovdur.
/oxu.az/
скачать dle 11.3




Şahidi olduğunuz hadisələri çəkib bizə göndərin!




            5 135 28.10.19 16:22