Tikintini aparan şəxs: Bütün işlər qanun çərçivəsindədir
Median.Az Real TV-yə istinadən xəbər verir ki, tikinti işləri, hansısa açıq sahədə deyil, məktəb həyətində aparılır. Bəli düz eşitdiniz məktəb həyətində, Bakı şəhər 54 saylı məktəbin həyətində.
Direktorun köməkçsi Murad Novruzov deyir ki, 2014-15-ci illərdə məktəb həyətinin bir hissəsi metropolitenin avtovazal stansiyasına verilib.
Daha sonra həyətin yeni xəritəsi çəkilərək 2018-ci ildə Dövlət Əmlak Komitəsi tərəfindən onlara təqdim olunub. Hazırda gedən tikinti isə qanunsuz olaraq məktəb həyətinin bir hissəsini tutur.
Öyrəndik ki, tikintini Asif Əsədov adlı fiziki şəxs aparır. O, bir qalaq sənəd təqdim edərək görülən işlərin tam qanun çərçivəsində aparıldığını iddia etdi.
Ətrafdakı binaların sakinləri də tikintiyə etiraz edirlər. Bu məsələdə tərəflərin sözü bir-birinin boğazından keçmir. Görünən odur ki, bu xəmir hələ çox su aparacaq...
Şahidi olduğunuz hadisələri çəkib bizə göndərin!
Son Əlavə