Bakı Ağır Cinayətlər Məhkəməsində Füzuli rayon sakini Qalib Turabovun (2000-ci il təv.) CM-nin 120.1-ci (qəsdən adam öldürmə) maddəsi ilə təqsirləndirilməsinə dair cinayət işi üzrə məhkəmə prosesi başlayıb.
Median.Az xəbər verir ki, bu il iyunun 26-da Səbail rayonunda yerləşən "Xəqani" bağından Pərvanə Turabova (1998-ci il təv.) bıçaq xəsarətləri ilə Kliniki Tibbi Mərkəzə çatdırılsa da, onun həyatını xilas etmək mümkün olmayıb.
Hadisəni araşdıran Səbail RPİ və rayon prokurorluğunun əməkdaşları həmin gün şübhəli şəxs qismində mərhumun qardaşı Qalib Turabovu saxlayıblar.
İstintaqın gedişatında məlum olub ki, onlar Füzuli rayonundan məcburi köçkündülər və Binəqədi rayonunda yaşayıblar. Bacısı bir müddət əvvəl boşanıb, onun 1 azyaşlı övladı olub. Dəfələrlə ona işləməyə icazə verməsələr də, Pərvanə evdən qaçıb və gecə klubuna işə düzəlib. Bundan qəzəblənən Qalib bacısını izləyib və iyunun 26-da qarşısını kəsərək,
döş qəfəsinə 2 bıçaq zərbəsi endirib və hadisə yerindən uzaqlaşıb.
Proses davam edir.
Şahidi olduğunuz hadisələri çəkib bizə göndərin!
Son Əlavə