"Nəbatat bağına fotosessiya üçün getdikdə girişdə əlavə rüsum haqqı istənilir".
Bununla bağlı faktaz.com saytına şikayət daxil olub. Belə ki, Əli Cavadov adlı şəxs şikayət edərək bildirib ki, Nəbatat bağında fotosessiya etdirmək istəyənlərdən əlavə pul alınır:
" Nəbatət bağının girişində fotosessiya üçün gəldiyimizi biləndə bizdən əlavə rüsum haqqı istədilər. Belə bir qanun var?"
Sözügedən şikayətlə bağlı Nəbatət bağının elmi katibi Nilufər Hüseynova açıqlama verib. O, bildirib ki, bu qanunla verilən bir qərardır:
"Azərbaycan Respublikasının Nazirlər Kobinetinin 21 aprel 2015-ci il tarixli, 114 saylı qərarına əsasən peşəkar video və ya fotoaparat çəkilişi üçün Nəbatat bağına gələn hər bir kəsdən əlavə 20 azn rüsum haqqı alınır. Bura gələn vətəndaşlardan giriş haqqı 2azn götürməliyik. Lakin biz insanların buraya mütəmadi gəlməsi və rahat istirahət etməsini nəzərə alaraq həmin giriş haqqını 1 azn etmişik. Amma tutaq ki, 30 nəfər buraya fotosessiya üçün gəlibsə, biz onların hər birindən 1 azn giriş haqqı və ümumilikdə 20 azn fotosessiya rüsumu götürürük ".
Şahidi olduğunuz hadisələri çəkib bizə göndərin!
Son Əlavə