Binədə keçmiş məhkum bacısına və qardaşına xəsarət yetirib

Median.Az xəbər verir ki, oktyabrın 10-da Binə qəsəbəsində yaşayan, əvvəllər məhkum olunmuş İ.Bədəlovla bacısı Aygün və qardaşı Elxan arasında münaqişə baş verib. Dava vaxtı İ.Bədəlov bacısına xəsarət yetirib, “KİA” markalı avtomobilində hadisə yerini tərk edərkən isə qardaşını vurub.

Nəticədə zərərçəkmişlər xəstəxanaya yerləşdiriliblər.

Xəzər RPİ 3-cü polis bölməsi əməkdaşlarının keçirdikləri əməliyyat-axtarış tədbirləri nəticəsində şübhəli şəxs saxlanılıb.

Xəzər rayon prokurorluğunda CM-nin 29,120-ci (qəsdən adam öldürməyə cəhd) maddəsi ilə cinayət işi başlanılıb.