Azərbaycanda nikahların sayı artıb

Azərbaycan əhalisinin sayı son 10 il ərzində, yəni 2009-cu ildən bu günə qədər 1 084 500 və ya 12,1 faiz artıb.

Иunu Yeni Azərbaycan Partiyasının İcra Katibliyində 1-10 oktyabr tarixlərində Azərbaycanda keçiriləcək əhalinin növbəti siyahıalınmasına həsr olunan mətbuat konfransında Dövlət Statistika Komitəsinin sədri Tahir Budaqov bildirib.

Onun sözlərinə görə, son 15 il ərzində nikahların sayında 11,4 faiz artım olub:

“Ömür uzunluğu 73,4 yaşdan 75,8 yaşa yüksəlib. Həmçinin, kişilər üzrə 70,8 yaşdan 73,3 yaşa, qadınlar üzrə 76,1 yaşdan 78,2 yaşa qədər artıb”.

T.Budaqov bildirib ki, ana ölümü əmsalı da aşağı düşüb:

“Ana ölümü əmsalı doğulan hər 100 min nəfərdə 26,3-dən 12,2-ə enib. Körpələr üzrə əmsal isə 11,4-dən 11,1-ə enib. Beş yaşadək uşaq ölümlərinin sayı 14,4-dən 13,1-ə düşüb”.

Komitə sədri qeyd edib ki, miqrasiya saldosu yüksəkdir, bu rəqəm son 10 ildə 14 min 800 təşkil edir.
/oxu.az/